Фаил Камаев

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Фаил Камаев latin yazuında])
Навигациягә күчү Эзләүгә күчү
Фаил Камаев
Фаил Камаев.jpg
Туган 3 май 1969(1969-05-03) (52 яшь)
Сәләүз-Мухан авылы, Мөслим районы, Татарстан АССР, ССРБ
Ватандашлыгы Русия байрагы Русия Федерациясе
Әлма-матер Алабуга дәүләт педагогика университеты
Һөнәре район башлыгы

Фаил Мисбах улы Камаев (1969 елның 3 мае, Сәләүз-Мухан авылы, Мөслим районы, Татарстан АССР) — Россия муниципаль эшлеклесе. Актаныш муниципаль районы башлыгы (2013—2017), Тукай муниципаль районы башлыгы (2018 елдан). «Бердәм Русия» фракциясе әгъзасы/

Тормыш юлы[үзгәртү | вики-текстны үзгәртү]

Фаил Камаев 1969 елның 3 маенда Татарстан АССРның Мөслим районы Сәләүз-Мухан авылында туа. 1992 елда Алабуга дәүләт педагогика институтын тәмамлый. Югары уку йортын тәмамлаганнан соң, Сәләүз-Мухан урта мәктәбендә тарих укытучысы булып эшли башлый. 1992 елдн Сәләүз-Мухан мәктәбендә тәрбия эшләре буенча директор урынбасары, ә 1993 елдан директор була.

2001—2002 елларда Мөслим районы Метрәй авылы җирле үзидарә башлыгы. 2002 елдан, 15 ел дәвамында Актаныш районы хакимиятендә эшли: башлыгының социаль мәсьәләләр буенча урынбасары (2002), мәгариф территориаль бүлеге башлыгы (2002—2005), хакимият башлыгы урынбасары (2005), Актаныш муниципаль районы башлыгы урынбасары, Актаныш муниципаль район Советы рәисе урынбасары (2006—2009). 2009 елдан район башкарма комитеты җитәкчесе. 2012 елдан Актаныш районы башлыгы вазыйфаларын башкаручы[1]. 2013 елның сентябрендә Актаныш муниципаль районы башлыгы итеп сайлана.

2017 ел ахырында Тукай районы башкарма комитеты җитәкчесе вазыйфаларын башкаручы итеп билгеләнә[2]. 2018 елда Тукай районы башкарма комитеты җитәкчесе була[3]. 2018 елның 14 сентябрендә Тукай муниципаль районы башлыгы итеп сайлана[4].

Өйләнгән, өч баласы бар.

Бүләкләр[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]