Флорит Талипов

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Флорит Талипов latin yazuında])
Навигациягә күчү Эзләүгә күчү


Флорит Талипов
Туган 3 ноябрь 1948(1948-11-03)
Усман, Балтач районы, Башкорт Автономияле Совет Социалистик Республикасы, РСФСР, СССР яки Балтач районы, Башкорт Автономияле Совет Социалистик Республикасы, РСФСР, СССР
Үлгән 21 февраль 2011(2011-02-21) (62 яшь)
Минск, Белоруссия
Ватандашлыгы Flag of the Soviet Union.svg СССР
Flag of Belarus.svg Белоруссия
Әлма-матер Мәскәү театр институты[d] һәм Русия театр сәнгате университеты[d]
Һөнәре драматург
Эш бирүче Национальный академический драматический театр им. Якуба Коласа[d]

Рид Сергей улы Талипов (чын исеме Флорит Салих улы Талипов; 1948 елның 3 ноябре, Усман, Башкорт АССР2011 елның 21 феврале, Минск) — беларус театр режиссёры, Якуб Колас исемендәге Милли академия драма театрының сәнгать җитәкчесе.

Тормыш юлы[үзгәртү | вики-текстны үзгәртү]

Рид Талипов 1948 елның 3 ноябрендә Усман авылында туган. Хезмәт эшчәнлеген Свердловск машина төзелеше заводында слесарь һәм гравёр булып башлаган, Свердловск киностудиясендә рәссам-мультипликатор, Минскның 81 нче номерлы мәктәбендә рәсем һәм сызым укытучысы булып эшләгән. Мәскәүдә Борис Щукин исемендәге югары Театр училищесының режиссёрлык бүлеген һәм А. В. Луначарский исемендәге Дәүләт театр сәнгате институтын (ГИТИС) тәмамлый.

1989 елдан — Минскта Җиңү мәйданында Беларусиядә беренче антреприз театр-студиясе сәнгать җитәкчесе һәм директоры, «АРТ», «АРТ-Центр» театр-студиясе сәнгать җитәкчесе, шулай ук 1997 елга кадәр Республика сәнгать программалары дирекциясе каршындагы театр-студияне җитәкли.

35 ел иҗат эшчәнлеге дәверендә (1976—2011) Беларусия, Россия, Австрия, Словения, Алмания, Польшада 50 гә якын спектакль куя, алар халыкара театр фестивальләрендә режиссёрлык һәм сценография сәнгате өчен югары бүләкләр белән билгеләп үтелә, ә актёрларга уйнау осталыгы өчен призлар бирелә. Алар арасында: Леонид Андреевның «Екатерина Ивановна» (2001) һәм Максим Горькийның «Васса» (2007).

2000 елдан бирле шулай ук Беларусия дәүләт сәнгать академиясенең режиссура кафедрасы доценты булып эшли.

2009 елның 31 мартыннан — Якуб Колас исемендәге Милли академия драма театрының сәнгать җитәкчесе. 2010 елның гыйнварында Александр Островский пьесасы буенча Талипов куелышында куелган «Зирәкләр ...» спектакленең премьерасы була. Соңгы куелыш — «Квартет» спектакле. К. Крапиваның «Үлемсез капкалары» өстендә эш барган.

2011 елның 21 февралендә вафат була.

Бүләкләр[үзгәртү | вики-текстны үзгәртү]

  • ССРБ Мәдәният министрлыгы һәм Театр эшлеклеләре берлеге (1989), Польша Мәдәният һәм сәнгать министрлыгы (1990) дипломнары һәм грамоталары
  • Театр сәнгате өлкәсендә казанышлары өчен Беларусия Республикасы Президентының махсус премиясе (2001)
  • Фёдор Тютчев исемендәге медаль (Россия, 2004)
  • «Беларусия әдәби-сәнгать тәнкыйтьчеләре берлеге» Республика иҗтимагый берләшмәсе дипломнары (2005—2011) — иң яхшы сәхнә әсәрләре һәм сценографиясе өчен.

Сылтамалар[үзгәртү | вики-текстны үзгәртү]