Фәрхат Арыҗан

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Фәрхат Арыҗан latin yazuında])
Фәрхат Арыҗан
Ferhat Arıcan.jpg
Туган телдә исем төр. Ferhat Arıcan
Туган 28 июль 1993(1993-07-28) (29 яшь)
Конак (Измир), Измир[d], Төркия
Ватандашлыгы Flag of Turkey.svg Төркия
Һөнәре спорт гимнасты

Commons-logo.svg Фәрхат Арыҗан Викиҗыентыкта

Фәрхат Арыҗан (төр. Ferhat Arıcan; 1993 елның 28 июле, Конак, Измир, Төркия) — Төркия гимнасты, параллель брусьяларда күнегүләрдә махсуслашкан. Олимпия уеннарының бакыр призёры (2020), ике тапкыр Аурупа чемпионы (2020, 2021).

Тормыш юлы[үзгәртү | вики-текстны үзгәртү]

Фәрхат Арыҗан 1993 елның 28 июлендә Конак (Измир) шәһәрендә туа. Ул Манисада Эгей университетында физик культураны өйрәнгән[1].

Карьера[үзгәртү | вики-текстны үзгәртү]

Фәрхат Арыҗан 2015 елда Аурупа чемпионатында

Арыҗан гимнастика белән 10 яшендә шөгыльләнә башлый[2].

Сингапурда узган 2010 елгы яшүсмерләр Олимпия уеннарында ул, таянып сикерүдә монгол Ганбатын Эрденебольдка гына оттырып, көмеш медаль яулый[3]. Ул 2013 елда Мәрсинда узган Урта диңгез уеннарында параллель брусьяларда бакыр медаль яулый[4][5].

2008, 2013 һәм 2014 елларда параллель брусьяларда Арыҗан артыннан өч яңа элемент беркетелә. Шулай итеп, Фәрхат Арыҗан аның хөрмәтенә берьюлы өч элемент аталган беренче гимнаст була[2].

2014 елның августында Төркиянең Милли олимпия комитеты Арыҗанны 2016 елда Рио-де-Жанейрода узачак Олимпия уеннарында медальләр өчен көрәшәчәк җыелма команданың өмете дип атый[6]. 2016 елның апрелендә узган Олимпия сайлап алу ярышларында 11 нче урынны алган Арыҗан 2016 елгы Җәйге Олимпия уеннарында катнашу хокукын ала. Шулай итеп, 108 ел эчендә беренче тапкыр ир-ат гимнаст Төркияне Олимпия уеннарында тәкъдим итә (соңгысы — 1908 елда Госман империясен тәкъдим иткән Алеко Мулос)[7].

2018 елда украиналы Евгений Козин Фәрхат Арыҗанның шәхси тренеры була[1]. 2019 елның гыйнварында Арыҗан Гёзтепедан клубка күчә[8].

2019 елда Минскта узган Аурупа уеннарында Арыҗан параллель брусьяларда бакыр призёр була һәм абсолют беренчелектә тугызынчы урынны ала[9].

Арыҗан 2020 елда Мәрсинда узган Аурупа чемпионатында параллель брусьяларда беренче алтын медаль яулый[10]. 2021 елда Базелда узган Аурупа чемпионатында параллель брусьяларда янәдән алтын медаль яулый[11]. Шул ук вакытта ярышларга өч атна калганда ул COVID-19 уңай тест ала, әмма турнир алдыннан дәваланып, формага керә ала[1].

Казанышлар[үзгәртү | вики-текстны үзгәртү]

Олимпия уеннары

Аурупа чемпионаты

  • Gold Medal.svg Алтын — Аурупа чемпионаты 2021 (параллель брусьялар);
  • Gold Medal.svg Алтын — Аурупа чемпионаты 2020 (параллель брусьялар);
  • 15x15пкс(үле сылтама) Көмеш — Аурупа чемпионаты 2020 (команда);
  • 15x15пкс(үле сылтама) Бакыр — Аурупа чемпионаты 2020 (ат);
  • 15x15пкс(үле сылтама) Бакыр — Аурупа чемпионаты 2019 (параллель брусьялар).

Искәрмәләр[үзгәртү | вики-текстны үзгәртү]

  1. 1,0 1,1 1,2 ARICAN Ferhat - FIG Athlete Profile.
  2. 2,0 2,1 Ferhat Arıcan hedef büyüttü. NTVSpor.net (24 Ekim 2014).
  3. Alkışlar Arıcan’a. Hürriyet (2 Eylül 2010).
  4. Ferhat'tan bronz madalya geldi. Sporx (24 Haziran 2013).
  5. 2013 Akdeniz Oyunları'nda Milli Sporcumuz Ferhat ARICAN'dan Paralel Aletinde Bronz Madalya. Youtube (24 Haziran 2013).
  6. TMOK 16 "altın" çocuğunu belirledi. Anadolu Ajansı (19 Ağustos 2014).
  7. Ferhat Arıcan’dan Tarihi Başarı. GSB (17 Nisan 2016). әлеге чыганактан 2016-05-14 архивланды. 2021-07-28 тикшерелгән.
  8. Milli cimnastikçi Ferhat Arıcan Göztepe'de. TRT Spor (17 Ocak 2019).
  9. Celkan, Mehmet Fatih.. Avrupa Oyunlarında 4 Final 2 Madalya. әлеге чыганактан 2021-07-14 архивланды. 2021-07-28 тикшерелгән.
  10. Ferhat Arıcan Avrupa Şampiyonu oldu.
  11. Milli cimnastikçi Ferhat Arıcan, Avrupa şampiyonu oldu.

Сылтамалар[үзгәртү | вики-текстны үзгәртү]