Хаҗи Әлиев
.svg){kind=small}
| Хаҗи Әлиев | |
|---|---|
 | |
| Туган | 21 апрель 1991 (32 яшь) Нахчыван, Азәрбайҗан Совет Социалистик Республикасы, СССР |
| Ватандашлыгы |  Әзербайҗан |
| Һөнәре | көрәшче |
Хаҗи Азәр улы Әлиев (әзери. Hacı Azər oğlu Əliyev; 1991 елның 21 апреле, Нахчыван, Азәрбайҗан ССР) — ирекле стильдә Азәрбайҗан көрәшчесе, Азәрбайҗан милли җыелма командасы әгъзасы. Өч тапкыр дөнья чемпионы (2014, 2015, 2017) һәм Ауропа чемпионы (2014, 2018, 2019), 2019 елгы Ауропа уеннары җиңүчесе, Рио-де-Жанейрода 2016 елгы Олимпия уеннарының бакыр призёры, 2015 елда Бакыда узган I Ауропа уеннары һәм 2013 елгы Универсиадада 60 кг авырлык категориясендә бакыр призёр, яшүсмерләр арасында 2011 елгы Ауропа чемпионы. Шулай ук Азәрбайҗанны 2013 һәм 2018 дөнья чемпионатларында, 2013 һәм 2010 елгы Ауропа чемпионатларында тәкъдим итә. Бакының «Нефтчи» клубы өчен чыгыш ясый. Шәхси тренер — Эльман Азимзадә.
Тормыш юлы[үзгәртү | вики-текстны үзгәртү]
Хаҗи Әлиев 1991 елның 21 апрелендә Азәрбайҗан ССРның Нахчыван шәһәрендә туа. 1997 елдан 2008 елга кадәр Нахчыван шәһәрендә урнашкан 12 нче урта мәктәптә укый. Хаҗи Әлиевның әтисе Азәр Әлиев ирекле көрәш буенча тренер буларак, улын зур спортта күрергә тели. 1999 елда Хаҗи абыйсы Яшар белән көрәш белән шөгыльләнә башлый[1][2]. Яшар Алиев гаиләдә беренче уңышка ирешә, ул 2013 елда Ауропа чемпионатының бакыр призёры була[2].
2004 елдан Хаҗи Әлиев Эльман Азимзадә җитәкчелегендә шөгыльләнә башлый[1]. 2008 елда Азәрбайҗанның физкультура һәм спорт академиясенә укырга керә, аны 2012 елда тәмамлый. Шул ук 2008 елда Төркиядә узган «Җиңү Кубогы» яшүсмерләр турнирында бакыр медаль яулап, үзенең беренче уңышына ирешә. Шуннан соң Хаҗи Әлиев яшүсмерләр арасында Ауропа чемпионаты һәм Азәрбайҗанның яшүсмерләр чемпионатының көмеш призёры була. 2009 елда 18 яшендә Әлиев, гамәлдәге Ауропа чемпионы Зәлимхан Хөсәеновны җиңеп[3], Азәрбайҗан кубогын яулый һәм җыелма командага чакырыла[2].
29 июньдә Азәрбайҗан Президенты Илһам Әлиев Ауропа уеннарында җиңүчеләрне һәм Азәрбайҗанда спорт үсешенә зур өлеш керткән затларны бүләкләү турында боерыкка кул куя. Хаҗи Әлиев беренче Ауропа уеннарында ирешкән уңышлары һәм Азәрбайҗанда спортны үстерүдәге казанышлары өчен «Прогресс» медаленә лаек була[4][5].
Шәхси тормыш[үзгәртү | вики-текстны үзгәртү]
Хаҗи Әлиев 2014 елда өйләнә. Аның Аиш исемле кызы бар[2].
2017 елның апрелендә Хаҗи Әлиев CBC Sport телеканалының «Фото+» программасында кунак була, анда «Ромео һәм Джульетта» фильмыннан Нино Рота композициясен рояльдә уйный, шулай ук милли костюмда атказанган артист Тогул Асадуллаев каманчасына аккомпанемент астында «Сары гялин» җырын башкара, халык артисты Сиявуш Кәрими һәм атказанган артист Эльдар Мамедов җырларын рояльдә башкара[5].
Искәрмәләр[үзгәртү | вики-текстны үзгәртү]
- ↑ 1,0 1,1 Профиль Гаджи Алиева. Официальный сайт FILA. әлеге чыганактан 2011-10-09 архивланды.
- ↑ 2,0 2,1 2,2 2,3 26 yaşlı üçqat dünya çempionu: Hacı həm də xanəndə imiş…. azvision.az.
- ↑ Dünya çempionu Hacı Əliyev: İkinci dəfəki dünya çempionluğumu qızıma həsr etmişdim, archived from the original on 2017-12-22, retrieved 2021-07-31
- ↑ Президент Азербайджана подписал распоряжения о награждении победителей первых Европейских игр. cbc.az.(үле сылтама)
- ↑ 5,0 5,1 I Avropa Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin Sərəncamı. president.az.
Сылтамалар[үзгәртү | вики-текстны үзгәртү]
- Хаҗи Әлиев — Sports-Reference.com сайтында олимпия статистикасы(ингл.)
- Хаҗи Әлиев — International Wrestling Database сайтында профиле(ингл.)
Фото, видео һәм аудио | |
|---|---|
| Тематик сайтлар |
