Хәния Фәрхи

Хәния Фәрхи
Тулы исеме	Хәния Фәрхислам кызы Биктаһирова (Халидуллина)
Туу көне	30 май 1960(1960-05-30)
Туу урыны	БАССР, Тәтешле районы, Салаюа СССР
Үлү көне	27 июль 2017(2017-07-27) (57 яшь)
Үлү урыны	Югары Салаюа, Бадряшевский сельсовет[d], Тәтешле районы, Башкортстан, Россия
Эшчәнлек еллары	—
Дәүләт	СССР → Россия
Һөнәрләр	җырчы
Моң	сопрано[d]
Кораллар	тавыш[d]
Жанрлар	татар эстрадасы
Псевдонимнар	Хәния Фәрхи
Коллективлар	«Байрам»
Хезмәттәшлек	Ренат Ибраһимов, Фидан Гафаров, Айдар Галимов, Салават Фәтхетдинов, Урал Рәшитов
Лейбллар	Татарстанның халык артисты
Бүләкләр

Хәния Фәрхи, Биктаһирова Хәния Фәрхислам кызы (Халидуллина; 30 май 1960, Салаюа, Башкорт АССР — 27 июль 2017, Салаюа, Башкортстан) — татар эстрада җырчысы.

Биографиясе

Хәния Фәрхлислам кызы Биктаһирова (кыз фамилиясе Хәлиуллина) 1960 елның 30 маенда Башкорт АССР-ның Тәтешле районы Югары Салаюа авылында туган.

Мәктәпне тәмамлаганнан соң Мәскәүдә туку училищесында укый, аннан соң Текстиль институтына һәм параллель рәвештә Ипполитов — Иванов исемендәге музыка училищесына укырга керә. Пятницкий исемендәге рус хорында җырлый.

Аннары Казанга иҗади карьерасын дәвам итәргә дип күчеп, театр училищесына (Р. М. Батуллина курсына) укырга керә, 1985 елда тәмамлый. Драма актрисасы карьерасын Тинчурин театрында башлый.

1989 елдан «Песня и милосердие» театр-студиясе артисты (Яр Чаллы). Аннары Мәскәү өлкә филармониясендә эшли. 1992 елдан «Бәйрәм» театр иҗат коллективы артисты була, ул таркалганнан соң, солль карьерасын башлый.

2000 елдан Яр Чаллы шәһәренең «Энергетик» мәдәният сараенда эшли, ә 2006 елдан «Бәйрәм» театр-студиясенең сәнгать җитәкчесе була.

Соңгы елларда җырчының сәламәтлеге начарлана, 2012 елда ул баш миендә авыр операция кичерә. Моңа зур популярлык белән бәйле йөкләнешләр сәбәп булган. Шуңа бәйле рәвештә артист иҗади карьерасын тәмамларга ниятли, әмма, аның сүзләренә караганда, аны «сәхнә җибәрмәгән».

Хәния Фәрхи 2017 елның 27 июлендә туган авылында йөрәк өянәгеннән вафат була. Казан шәһәрендә җирләнгән.

Дискографиясе

• Бәхеткә түзеп кара (2000 ел)
• Тормыш җыры 2 (2002 ел)
• Җырларымда сезнең язмышлар (2003 ел)
• Кышки чия (2004 ел)
• Мәңге гашыйк калыйк әле (2005 ел)
• MP3 коллекция (2006 ел)
• Яшик әле! (2006 ел)
• Рәхмәт сиңа, җырым! (2008 ел)
• Яхшысын сайлап кына (2009 ел)
• Гомерләрне үлмәс җыр итәек (2010 ел)

Мактаулы исемнәре һәм башка бүләкләре

• «Татар җыры» халыкара татар эстрада җырлары фестиваленың 35 Алтын барсы иясе.
• Татарстан Республикасының атказанган артисты (1996)
• Татарстан Республикасының халык артисты (2000)
• Башкортстанның Тәтешле районының Әнгам Атнабаев исемендәге премиясе лауреаты (2018).

Хәтер

• Казанның Бауман урамында Татар йолдызлары аллеясына Хәния Фәрхи йолдызы куелган.
• Башкортстанның Тәтешле районы үзәге Югары Тәтешле авылының яңа микрорайонындагы урамга Хәния Фәрхи исеме бирелә .
• Аның хөрмәтенә Югары Тәтешле тарихи-туган якны өйрәнү музеенда экспозицияләр залы ачылган .
• 2018 елдан башлап татар һәм башкорт җырларын башкаручыларның (2022 елдан ― халыкара) фестиваль-конкурсы үткәрелә .
• 2022 елның 30 маенда Югары Тәтешле авылында Хәния Фәрхигә һәйкәл ачылган (һәйкәлнең авторы ― скульптор Хәлит Галиуллин, химаяче ― Камил Ибәтуллин, «Мегабит» ҖЧҖ директоры).

Сылтамалар

• Эльмира Яковлева Хания Фархи: малоизвестные факты биографии. — № 36 (202).
• Айсылу Кадырова Хания Фархи: Я не помню, как попала в больницу // Газета «Вечерняя Казань».