Шиһап Нигъмәти

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Шиһап Нигъмәти latin yazuında])
Навигациягә күчү Эзләүгә күчү
Әкъсам Йосыф улы
Ш.Нигъмәти, Г.Солтан, Ф.Исхакый.jpg
Туган телдә исем Әкъсам Йосыф улы
Туган 27 декабрь 1913(1913-12-27)
Рәнчек, Тубыл өязе, Тубыл губернасы, Русия империясе
Үлгән 1995(1995)
Милләт татар
Ватандашлыгы ССБР байрагы, Төркия байрагы
Һөнәре журналист

Шиһап Нигъмәти, Әкъсам Йосыф улы (тәхәллүсе Шиһабетдин Нигъмәтуллин) — татар журналисты, публицист, «Азатлык» радиосы журналисты, мөдире, мөһаҗир татарлар арасында билгеле шәхес.

1913 елда хәзерге Төмән өлкәсендә, Вагай районы Рәнчек авылында дөньяга килә. Укытучы булып эшли.

1939 елның октябрендә, ССРБ Югары Шурасы Президиумының яшерен боерыгы белән башка меңләгән укытучы кебек Эшче-крестьян Кызыл Гаскәренә чакырыла.[1] Икенче бөтендөнья сугышында катнаша, Волхов фронтында сугыша. 1941 елның 4 ноябрендә әсирлеккә эләгә. Алман концлагерьларында әсир булуы, анда Муса Җәлил белән аралашуы, «Идел-Урал» гәҗитен чыгаруда катнашуы, сугыш елларында ук әдәби иҗат белән шөгыльләнүе мәгълүм.

Сугыштан соң Әкъсам Йосыф углы (Aksam Josefoglu) исеме белән Төркия ватандашлыгын ала.

1945 елда «Идел-Урал төрки берлеге» иҗтимагый төрки газетасының мөхәрирләренең берсе була, 1952-1953 елларда Мүнхенда татар-башкорт эммиграциясенең «Азат Ватан» иҗтимагый-сәяси, тарихи-мәдәни, дини, әдәби журналы эшчәнлегендә актив катнаша. 1953 елда Мүнхенда латин хәрефләре белән «Шигырьләр» җыентыгы басыла (48 б.). «Азат Ватан»дагы шигырьләре, нигездә, бу китабында да урын алган.[2]

19541979 елларда Азатлык радиосы мөдире булып эшли. 1995 елда вафат була.

Искәрмәләр[үзгәртү | вики-текстны үзгәртү]

  1. http://a-pesni.org/ww2/oficial/tyumen/a-ostatsa.htm А. Петрушин. ОСТАТЬСЯ УЧИТЕЛЕМ. "Тюменский курьер" №57-58 (2134-2135), 28 апреля 2007; №59 (2136), 3 мая 2007
  2. Миңнегулов Х.Й., Чит илләрдәге татар әдәбияты. бит232

Чыганаклар[үзгәртү | вики-текстны үзгәртү]