Эдуард Әкбәров

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Эдуард Әкбәров latin yazuında])
Навигациягә күчү Эзләүгә күчү
Эдуард Әкбәров
Эдуард Әкбәров.jpg
Туган 7 октябрь 1964(1964-10-07) (56 яшь)
Казан, РСФСР, СССР
Яшәгән урын Бертуган Касыймовлар урамы, Казан[1]
Һөнәре футболчы
Спорт такымы әгъзасы Динамо

Эдуард Илдус улы Әкбәров (1964 елның 7 октябре, Казан, РСФСР, СССР) — ССРБ һәм Россия футболчысы (һөҗүмче), футбол хөкемчесе.

Тормыш юлы[үзгәртү | вики-текстны үзгәртү]

Эдуард Әкбәров 1964 елның 7 октябрендә Казан шәһәрендә туа. Казанның «Электрон» спорт клубы тәрбияләнүчесе, балачакта футболдан тыш хоккей һәм туплы хоккей белән шөгыльләнгән. 16 яшьтә «Рубин»га эләгә һәм яшь уенчылар өчен квота буенча икенче лига матчларында кырга чыга.

1984 елда армиягә алына һәм Киров «Динамо»сы өчен чыгыш ясый башлый, анда аны Мәскәү «Динамо» клубының тренерлары күреп ала һәм командага чакыралар. 1985 ел башында мәскәүлеләр составында Динамо турнирында җиңүче була һәм турнирның иң яхшы ярымсакчысы дип таныла[2]. Рәсми матчларда кырга бер генә тапкыр — 1985 елның 30 июлендә Суперкубок матчында «Зенит»ка каршы матчта чыга[3].

Хезмәт тәмамланганнан соң Казанга әйләнеп кайта, аннары Воронеж «Факел»ы составында ике сезон уздыра. Воронеж клубы составында 1988 елның февралендә Бангладеш җыелма командасы белән Халыкара матчта хет-трик ясый.

1989 елдан башлап берничә ел дәвамында Винницаның «Нива» өчен чыгыш ясый. Аның составында 1992 елның 7 мартында Украина югары лигасының беренче сезонында «Кремня»га каршы беренче матч уйный[4]. 1992 елның язгы сезонында югары лигада 7 матч уйный һәм команда белән бергә беренче лигага төшә, анда 1992/93 сезонының беренче яртысында чыгыш ясый. 1993 елның язында Чехословакиядә Гуменнедан «Хемлон» өчен уйный, ә 1993 елның августында югары лигага әйләнеп кайткан «Нива» өчен тагын бер матч уйнаган.

1994 елда Россиягә әйләнеп кайта һәм «Нефтехимик», «Рубин» һәм «Локомотив» (Лиски) өчен чыгыш ясый. 33 яшендә спорт карьерасын тәмамлый.

1990 һәм 2000 еллар чорында футбол матчлары хөкемдарлыгы белән шөгыльләнгән, икенче дивизион һәм дублёрлар турнирында эшләгән, соңрак мини-футбол һәм пляж футболы буенча матчларын хөкем итә. «Буран» (Воронеж) пляж футболы буенча команданың баш тренеры булып эшли[5].

Шәхси тормыш[үзгәртү | вики-текстны үзгәртү]

Өйләнгән, хатыны — Елена. Кызы Виктория теннис һәм бадминтон белән шөгыльләнә һәм һәвәскәрләр дәрәҗәсендә футбол матчларын хөкем итә[6].

Энесе Нияз шулай ук футболчы, кайбер командаларда абыйсы белән чыгыш ясый.

Искәрмәләр[үзгәртү | вики-текстны үзгәртү]

  1. https://gyteli.info/kazan
  2. 1985 чемп. Динамо 24 января 1985 (четверг) Динамо (Москва) — Динамо (Киров) 1:0
  3. 1985 суп. куб. 1 30 июля 1985 (вторник) Динамо (Москва) — Зенит (Ленинград) 1:2 в гостях
  4. Матч Кремень — Нива В. footballfacts.ru
  5. Акбаров Эдуард Ильдусович
  6. ВИКТОРИЯ АКБАРОВА: «ТЕННИС — ЭТО МОЕ ХОББИ, ЗА КОТОРОЕ ЕЩЕ И ПЛАТЯТ ДЕНЬГИ!». әлеге чыганактан 2019-03-21 архивланды. 2017-07-26 тикшерелде.