Эльза Газизова

Эльза Газизова
Эльза Газизова
Туган	8 гыйнвар 1988 (36 яшь); Чаллы, Татарстан АССР, РСФСР, СССР
Ватандашлыгы	Россия
Әлма-матер	Мулланур Вахитов исемендәге 2нче гимназия (Яр Чаллы), Елховой урта гомуми белем бирү мәктәбе һәм Казан (Идел буе) федераль университеты
Һөнәре	журналист
Эш бирүче	«Мәдәни Җомга», Интертат, Акчарлак, Татарстан (телерадиокомпания) һәм Юлдаш

Эльза Әсхәт кызы Газизова (рус. Газизова Эльза Асхатовна / ингл. Elza A. Gazizova, 1988 елның 8 гыйнвары, Яр Чаллы, ТАССР, РСФСР, ССРБ) — россияле татар журналисты, «Мәдәни җомга» газетасының веб-редакторы, Татарстан Республикасы Журналистлар берлеге әгъзасы (2024 елдан).

Тәрҗемәи хәле

1988 елның 8 гыйнварында Яр Чаллы шәһәрендә автомеханик һәм пешерүче-кондитер гаиләсендә туа. Әтисе Әсхәт Әхмәт улы тумышы белән Татарстанның Чирмешән районы Иске Кади, әнисе Җәүрия Кәниф кызы Свердловск өлкәсенең Кызылъяр округы Татар Яманъелга авылларыннан.

1996 елның 25 июлендә әнисе яман шештән вафат була. Әтисе икенче мәртәбә өйләнә. 6 нчы сыйныфка кадәр Яр Чаллы шәһәренең Мулланур Вахитов исемендәге 2 нче татар гимназиясендә белем ала. Аннары гаиләсе белән Әлмәт районының Иске Баграж авылына күченә, анда Елховой урта гомуми белем бирү мәктәбен көмеш медальгә тәмамлый.

2005-2010 еллар арасында Казан дәүләт университетының журналистика һәм социология факультетында көндезге бүлектә укый.

Беренче адымнары

Университет елларында «Мин татарча сөйләшәм» акциясенең координаторы итеп сайлана. Шул ук вакытта актив рәвештә яза башлый. Яр Чаллы шәһәрендәге «Шәһри Чаллы», «Көмеш кыңгырау», Тукай районының «Якты юл», Казанда нәшер ителүче «Юлдаш» һәм Мәскәүдә урнашкан «Татар дөньясы» газеталарында мәкаләләре дөнья күрә. «Шәһри Казан» газетасы мәгълүмати жанрларның кулланылуы», «Юлдаш» газетасында эпистоляр стильнең кулланылуы», шулай ук «Юлдаш» газетасында интервью жанрның кулланылуы» исеме астында курс эшләрен башкара. Диплом эше итеп, «Юлдаш» газетасы мисалында газета укучыларга йогынты ясау ысулларын сайлый һәм аны «5»ле билгесенә яклый.

Хезмәт юлы

2010-2014 — «Юлдаш» газетасы
2015-2016 — «Акчарлак» газетасы
2017-бүгенгәчә — «Мәдәни Җомга» газетасында журналист, веб-редактор.
2022 елдан «Татарстан» дәүләт телеканалында «Әйдә халыкка хезмәткә» исемле авторлык тапшыруын алып бара. Татарстанның халык артисты Әзһәр Шакиров, Татарстанның атказанган җырчысы Гөлдания Хәйруллина, танылган татар модельеры Ләйсән Хаҗиева, язучы Вахит Имамов, биюче пар Айгөл һәм Раил Ганиевлар кебек шәхесләр белән интервьюлары дөнья күрә.

Бүләк-премияләр

2008 — Казан дәүләт университетының журналистика һәм социология факультеты «Алтын бөртек» (рус. Золотой овес) фестивале премиясендә «Чын журналист» (рус. Настоящий журналист) номинациясендә җиңә.^[1]

Кызыклы фактлар

Җыр белән мавыга. «Күргәзмәдә», «Тик минеке» җырлары радио-телевидение һәм башка музыкаль мәйданчыклардан яңгырый. 2020 елның мартында «Барс-Медиа» продюсерлык үзәге төшергән «Күргәзмәдә» җырына клибы дөнья күрә. Клипны бер тәүлек эчендә Казан океанариумында, «Корстон» сәүдә-күңел ачу үзәгенең бассейнында һәм фотостудиядә төшерәләр. Ул «TMTV», «Мәйдан» телеканалларында бүгенге көнгә кадәр ротацияләнә.

Искәрмәләр

↑ В Казани вручили премию «Золотой овес». Татар-информ (2008 елның 27 октябрь). 2024 елның 18 июнь тикшерелгән.

Сылтамалар

YouTube сайтында “Әйдә халыкка хезмәткә” : Эльза Газизова белән әнгәмә, «Татарстан» дәүләт телеканалы, 6.09.2022

Интертат.руда басылып чыккан язмалары
YouTube сайтында “Күргәзмәдә” клибы

Моны да карагыз

	Татар матбугаты порталы
	Журналистика порталы
	Шәхесләр порталы

[1] В Казани вручили премию «Золотой овес». Татар-информ (2008 елның 27 октябрь). 2024 елның 18 июнь тикшерелгән.

[1]

Социаль челтәрләрдә	VK
Фото, видео һәм аудио	Instagram · Яндекс Музыка · YouTube

к б ү Бу теманың Татнет ресурсларында яктыртылуы
Мәгълүмат агентлыклары	«Tatar-inform.tatar» сайтындагы мәкаләләр исемлеге.
Татарстан ММЧлары	«Безнең гәҗит» сайтындагы мәкаләләр җыентыгы. «Ватаным Татарстан» газетасы сайтындагы мәкаләләр җыентыгы. Интертат сайтындагы мәкаләләр исемлеге. «Мәдәни Җомга» газетасы сайтындагы мәкаләләр җыентыгы. «Сөембикә» журналы сайтындагы мәкаләләр исемлеге. «Татарстан» телерадиокампаниясе сайтында татарча материаллар исемлеге. «Татарстан — Яңа Гасыр» телерадиокомпаниясе сайтындагы татарча мәкаләләр исемлеге.
Татар телле Россия күләм ММЧлары	Федераль һәм халыкара дәрәҗә көн тәртибен яктыртып торучы ресурслар бар микән?
Татар телле чит ил ММЧлары	Азатлык радиосы сайтындагы мәкаләләр исемлеге. TRT-TATAR радиосы сайтындагы мәкаләләр исемлеге.
Татарстанның муниципаль татар телле ММЧлары	«Әлмәт таңнары» газетасы сайтындагы мәкаләләр исемлеге. «Бөгелмә авазы» газетасы сайтындагы мәкаләләр исемлеге. «Заман сулышы» газетасы сайтындагы мәкаләләр исемлеге. «Кайбыч таңнары» газетасы сайтындагы мәкаләләр исемлеге. «Минзәлә» газетасы сайтындагы мәкаләләр исемлеге. «Мөслим-информ» сайтындагы мәкаләләр исемлеге. «Саба таңнары» газетасы сайтындагы мәкаләләр исемлеге. Түбән Каманың «Туган як» газетасы сайтындагы мәкаләләр исемлеге. «Шәһри Казан» газетасы сайтындагы мәкаләләр исемлеге. «Шәһри Чаллы» газетасы сайтындагы мәкаләләр исемлеге.
Татар телле Россия төбәк ММЧлары	«Авыл таңнары» газетасы сайтындагы мәкаләләр исемлеге. «Кызыл таң» газетасы сайтындагы мәкаләләр исемлеге. «Тәтешле хәбәрләре» газетасы сайтындагы мәкаләләр исемлеге.
Тематик ресурслар	«Белем.РУ» сайтындагы мәкаләләр исемлеге. «Бөтендөнья татар конгрессы» сайтындагы татарча мәкаләләр исемлеге. «Гыйлем.tatar» порталындагы материалларда очравы. «Матбугат.ру» сайтындагы материалларда очравы. «Сәләт» сайтындагы язмаларда очравы. «Tatarica энциклопедияcе» сайтындагы татарча мәкаләләр исемлеге. «Татарстан китап нәшрияты» сайтындагы материалларда очравы.