Эльза Саттарова

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Эльза Саттарова latin yazuında])
Навигациягә күчү Эзләүгә күчү
Эльза Саттарова
Туган 28 июль 1958(1958-07-28) (62 яшь)
Түбән Төкен, Камышлинский сельсовет[d], Кырмыскалы районы, Башкорт Автономияле Совет Социалистик Республикасы, РСФСР, СССР
Ватандашлыгы Flag of the Soviet Union.svg СССР
Flag of Russia.svg Россия
Һөнәре журналист

Саттарова Эльза Абдулхак кызы (28 июль, 1958 ел) — журналистика ветераны, 2007-2017 елларда Кырмыскалы районының татар телендә нәшер ителүче «Үзән» газетасы мөхәррире. 1978 елдан ССРБ Журналистлар берлеге әгъзасы. Башкортстан Республикасының атказанган матбугат һәм киң мәгълүмат хезмәткәре (2012).

Биографиясе[үзгәртү | вики-текстны үзгәртү]

Эльза Абдулхак кызы Саттарова (кыз фамилиясе Биккина) 1958 елның 28 июлендә Башкорт АССР-ының Кырмыскалы районы Түбән Төкен авылында туган.

1975 елда үз авылында урта белем алганнан соң, Өфедәге полиграфистларның 1-нче кала һөнәр училищесына укырга керә һәм аны 1976 елда отличие белән тәмамлый.

Хезмәт эшчәнлеген шул ук елда Кырмыскалы авылындагы халыкка көнкүреш хезмәте күрсәтү комбинатының үзәк фотосалонында фотограф булып башлый.

1976 елның ноябрендә КПСС-ның район комитеты кушуы белән район гәзите редакциясенә фотограф итеп күчерелә.

Төп хезмәтеннән аерылмый, 1978-1984 елларда Башкорт дәүләт университеты филология факультетының яныннан торып уку бүлегендә югары белем ала. 1978 елда, район хатын-кызлар арасыннан беренче булып, ССРБ Журналистлар союзына әгъза итеп кабул ителә.

1980 елның маенда район гәзите хәбәрчесе вазифасына күчерелә, ә 1983 елның маенда редакциянең язышу бүлеге мөдире итеп тәгаенләнә. 1986 елның февралендә җаваплы катиб урынбасары итеп үрләтелә.

2007 елда «Хезмәт даны» район гәзитенең мөхәррире итеп тәгаенләнә һәм бу вазифада 2017 елгача эшли.

Җәмәгать эшчәнлеге[үзгәртү | вики-текстны үзгәртү]

  • 1999-2003 елларда урындагы Совет депутаты.

Мактаулы исемнәре[үзгәртү | вики-текстны үзгәртү]

  • Башкортстан Республикасының атказанган матбугат һәм ярдәмне хезмәткәре (2012).
  • Кырмыскалы район Советының Рәхмәт хаты (2017).
  • «Җөмһүрият Гербы» Матбугат йорты дәүләт унитар предприятиесенең Рәхмәт хаты (2017).
  • Кырмыскалы район Советының Мактау грамотасы (2003, 2008, 2013).
  • Башкортстан Матбугат һәм ярдәмне агентлыгының Мактау грамотасы (2008, 2013)
  • Башкортстан Журналистлар берлегенең Мактау грамотасы (2008).
  • Русия Федерациясенең Элемтә һәм киң коммуникациялар министрлыгының Рәхмәт хаты (2005).
  • Башкорт АССР Мәдәният министрлыгының Мактау грамотасы (1980).