Алмаз Юлдашев

Алмаз Юлдашев
Туган телдә исем	Алмаз Кыям улы Юлдашев
Туган	26 июль 1926(1926-07-26) Чистай
Үлгән	5 гыйнвар 2010(2010-01-05) (83 яшь) Казан
Милләт	татар
Һөнәре	галим, техник фәннәр докторы
Ата-ана	Кыяметдин Исхак улы Юлдашев, шагыйрь (әти)
Гыйльми дәрәҗә:	техник фәннәр докторы[d]

Алмаз Юлдашев — татар галиме, трактор двигательләре гыйлеме белгече, техник фәннәр докторы, ТР ФАнең мөхбир әгъзасы, Русиянең атказанган фән эшлеклесе, Татарстан Республикасының атказанган механизаторы.

Тормыш юлы

1926 елның 26 июлендә Татарстан Республикасының Чистай шәһәрендә укытучылар гаиләсендә туа. Атасы Кыям Юлдашев — җәдитче мөгаллим, шагыйрь.

Алмаз Юлдашев 1949 елда "моторлар төзү" белгечлеге буенча Казан авиация институтын тәмамлый. 1949—1955 елларда Казанның 708 нче заводында конструктор. 1959 елдан Казан авыл хуҗалыгы институтында доцент булып эшли башлый, 1962—1985 елларда "Тракторлар һәм автомобилләр" каферасы мөдире. 1961 елда кандидатлык диссертациясе һәм 1988 елда докторлык диссертациясе яклый. 1989 елда аңа профессор исеме бирелә. 320дән артык фәнни хезмәтләре бар, шул исәптән «Тракторлар һәм автомобилләр» исемле дәреслек, ике монография, урысча-татарча техник терминнар сүзлеге. Төп хезмәтләре эчке янулы двигательләр эшенең динамик сыйфатламаларын билгеләүгә карый. Фәнни хезмәтләренең нәтиҗәләре Владимир трактор заводында, КамАЗ һәм ГАЗ заводларында гамәлгә кертелә. Аның җитәкчелеге астында 3 фәннәр докторы һәм 12 фәннәр кандидаты әзерләнә.

Фәнни хезмәтләре

• Юлдашев А. К. Тракторлар һәм автомобилләр: югары уку йортлары өчен д-лек / А. К. Юлдашев, Ә. Х. Җомагылов. – Казан : Мәгариф, 1999. – 335 б.: рәс., табл. – Библиогр.: 331 б. (11 исем). – 1000 д.
• Русча-татарча техник терминнар сүзлеге / А. К. Юлдашев, Ә. З. Әфләтунов, Ә. Х. Җомагылов, Р. Г. Нуруллин. – Казан: Мәгариф, 2000. – 256 б. – Библиогр.: 256 б. (15 исем.). – 1000 д.
• Татар телендә югары белем бирү мәсьәләләре: 4нче ф.-метод. һ. ф. конф. мәкаләләре / Казан дәүләт авыл хуҗ. акад.; А. К. Юлдашев, Ә. Х. Җомагылов, Р. Г. Нуруллин. – Казан : Тәгълимат, 2000. – 44 б.

Мәңгеләштерү

• 2018 елның 5-6 апрель көннәрендә Казан дәүләт аграр университетында А.К.Юлдашевның истәлегенә багышланган I Халыкара фәнни-гамәли конференция уздырылды.
• Казанның Карл Маркс урамы 65нче йорт диварына истәлек тактасы урнаштырыла.

Чыганаклар

• Нуруллин Р.Г. Тургайлар сайраганда. — Казан: «Ихлас» нәшрияты, 2017. — 160 б. — 500 д. — ISBN 978-5-906701-94-7.

Сылтамалар

• Член-корреспондент Академии наук Республики Татарстан Юлдашев Алмаз Киямович(үле сылтама) (рус.)
• Юлдашев Алмаз Киямович 2018 елның 3 ноябрь көнендә архивланган. (рус.)