Җылылык белән тәэмин итү

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Җылылык белән тәэмин итү latin yazuında])
Навигациягә күчү Эзләүгә күчү

Җылылык белән тәэмин итү (ингл. heating)- кулланучыларның коммуналь‑көнкүреш (җылыту, җилләтү, эссе су белән тәэмин итү) һәм технологик ихтыяҗларын канәгатьләндерү өчен торак, җәмәгать һәм сәнәгать биналарын (корылмаларын) җылыту буенча чаралар җыелмасы.

Урындагы (бер яки берничә бинаны хезмәт күрсәтеп) һәм үзәк (торак яки сәнәгать районын) җылылык белән тәэмин итү аерыла.

Җылылык белән тәэмин итү системасына җылылык электр үзәкләре, казанлыклар, җылылык челтәрләре, җылылык пунктлары, бойлерлар керә.

ТЭЦларда җылылык энергиясе электр энергиясе белән бер вакытта эшләп чыгарыла (энергияне аерым җитештерү белән чагыштырганда җитештерү экономиясе 1,5—2 тапкыр арта).

Су белән тәэмин итү, су бүлү, җылылык белән тәэмин итү өлкәләрендәге технологияләрнең классификаторы[үзгәртү | вики-текстны үзгәртү]

Су белән тәэмин итү, су бүлү, җылылык белән тәэмин итү өлкәләрендәге технологияләрнең классификаторы [1]

Җылылык белән тәэмин итү өлкәсендә эшчәнлекнең җайга салынулы төрләрен хәл итүче оешманың инвестицион программасы[үзгәртү | вики-текстны үзгәртү]

Россия Төзелеш министрлыгы “Җылылык белән тәэмин итү өлкәсендә эшчәнлекнең җайга салынулы төрләрен хәл итүче оешманың инвестицион программасының тәкъдим ителә торган формасын һәм аны тутыру буенча методик рекомендацияләрне раслау турында” 13.08.2014 ел, №459/пр Россия Төзелеш министрлыгы боерыгы нигезендә, җылылык белән тәэмин итү өлкәсендә инвестицион программаның һәм аны тутыру тәртибенең тәкъдим ителә торган формасын раслады.[2]

Җылылык белән тәэмин итү өлкәсендә аерым исәп алу[үзгәртү | вики-текстны үзгәртү]

Татарстан Республикасының Тарифлар буенча дәүләт комитеты җайга салына торган оешмаларның җылылык белән тәэмин итү өлкәсендәге законнар таләпләре нигезендә җылылык энергиясе күләменең, җылылык чыганагының, җайга салына торган эшчәнлек төрләрен гамәлгә ашыру белән бәйле керемнәрнең һәм чыгымнарның аерым исәбен алып барырга тиеш булуларын билгеләп үтә[3].

Административ хокук бозулар турында Россия Федерациясе кодексының 14.6 статьясындагы 2 өлешендә юридик һәм вазыйфаи затлар өчен бәяләрне (тарифларны) дәүләт тарафыннан җайга салу өлкәсендә административ җаваплылык каралган[4].

Башкортстанда җылылык энергиясе[үзгәртү | вики-текстны үзгәртү]

2,8 км озынлыктагы беренче җылылык магистрале 1939 елда 1‑се Уфа ТЭЦ‑нан эшләп китә (Черниковка касабасы үзәк җылылык белән тәэмин итә),

1940 елда 411 мең Гкал җылылык җибәрелә.

1947-57 елда җылылык челтәрләре озынлыгы 3 тапкыр арта, җылылык челтәрләренә 1912 объект (шуларның 70% ы — торак йортлар) тоташтырыла.

Башкортстанда җылыту һәм технологик җылы бирүнең 60%‑тан күбрәген "Башкортстан генерацияләү компаниясе" ТЭЦ‑лары һәм үзәк казанлыклары тәэмин итә.

Еллык җылылык бирү 32 млн Гкал була, шуның яртысыннан күберәге технологик пар рәвешендә нефть иләү сәнәгате һәм нефтехимия сәнәгате предприятиеләре тарафыннан кулланыла, якынча 15 млн Гкал — Агыйдел, Благовещен, Ишембай, Күмертау, Нифтикам, Салават, Стәрлетамак, Мәчетле районы Зур Ыктамак авылы, "Красноусол", "Янгантау" шифаханәләрен җылытуга һәм эссе су белән тәэмин итүгә китә.

Башкортстанда 1990 елда 79,7 млн Гкал;

1995 — 73,5;

2000 — 54,6;

2005 — 55,4;

2010 — 48,0;

2011 — 49,7 млн Гкал күләмендә җылылык энергиясе җибәрелгән.

Башкортстан җылылык энергиясе җитештерү буенча РФ‑та 5‑се урынны били (2011).

Искәрмәләр[үзгәртү | вики-текстны үзгәртү]

Тышкы сылтамалар[үзгәртү | вики-текстны үзгәртү]