Җәүдәт Салихов

Җәүдәт Салихов
Җәүдәт Салихов
Туган телдә исем	Җәүдәт Миргаҗәм улы Салихов
Туган	8 гыйнвар 1959 (65 яшь); ТАССР Сарман районы Иске Әлмәт авылы
Милләт	татар
Ватандашлыгы	ССРБ→; Русия
Әлма-матер	Казан (Идел буе) федераль университеты
Һөнәре	хокук белгече, тән сакчысы
Балалар	улы Марат (1987),; кызы Лилия (1983)
Ата-ана	Миргаҗәм (1916) (әти); Мөнәздәһә (1922) (әни);
Бүләк һәм премияләре	2 дәрәҗә "Ватан алдында казанышлары өчен" орденыКазанның 1000 еллыгы истәлегенә медале

Википедиядә Салихов фамилияле башка кешеләр турында мәкаләләр дә бар.

Җәүдәт Салихов, Җәүдәт Миргаҗәм улы Салихов, рус. Салихов Зявдат Миргазямович — ТР президенты иминлек хезмәте башлыгы (1998-2002), ТР президенты эшләр идарәсе җитәкчесе (2002-2010), РФ суд департаментының ТР буенча идарәсе җитәкчесе (2013). Татарстанның атказанган хокукчысы. Хокук фәннәре кандидаты. Татарстан ЭЭМ мактаулы хезмәткәре. Сарман районының мактаулы гражданы (2016).

Тәрҗемәи хәле[үзгәртү | вики-текстны үзгәртү]

1959 елның 8 гыйнварында ТАССР Сарман районы Иске Әлмәт авылында туган. Иске Әлмәт сигезьеллык, Сарман урта мәктәпләрен, «хокук белеме» белгечлеге буенча Казан дәүләт университетының юридик факультетын тәмамлаган (1981).

Хезмәт юлы[үзгәртү | вики-текстны үзгәртү]

1981-1987 Яр Чаллы шәһәре Комсомол район эчке эшләр бүлеге тикшерүчесе, өлкән тикшерүчесе, тикшерү бүлеге башлыгы урынбасары.
1987-1992 Тукай районы эчке эшләр бүлегенең тикшерү бүлекчәсе башлыгы — Тукай районы эчке эшләр бүлеге башлыгы урынбасары.
1992-1998 Татарстан президенты иминлеге хезмәте башлыгы урынбасары.
1998-2002 ТР президенты иминлеге хезмәте башлыгы — ТР президенты ярдәмчесе.
2002-2010 ТР президенты эшләр идарәсе җитәкчесе.
2004 елдан «Татхимфармпрепараты» ААҖ директорлар шурасы рәисе.
2010-2013 ТР президенты аппараты җитәкчесе урынбасары — ТР дәүләт киңәшчесе сәркатибәте җитәкчесе.
2013 елның гыйнварыннан РФ суд департаментының ТР буенча идарәсе җитәкчесе.

Гаиләсе[үзгәртү | вики-текстны үзгәртү]

Гаиләле, ике баласы бар.

Кызыклы факт[үзгәртү | вики-текстны үзгәртү]

КДУның юридик факультетында бергә укыган, ТР иминлек хезмәте башлыгы Әсгать Сәфәров чакыруы буенча 1992 елда ТР Тукай районы эчке эшләр бүлеге башлыгы урынбасары вазифасыннан ТР президенты тән сакчысы булып күчә ^[1].

Бүләкләре, мактаулы исемнәре[үзгәртү | вики-текстны үзгәртү]

II дәрәҗә «Ватан алдындагы хезмәтләре өчен» медаль ордены.
«Хезмәттәге батырлык өчен» медале.
«Аеруча хезмәтләр өчен» медале.
«Казанның 1000 еллыгы» медале (2005).
I дәрәҗә Изге кенәз Александр Невский ордены.
II дәрәҗә «Әл-Фәхер» Шәрәф ордены.
III дәрәҗә Россия православие чиркәве ордены.
I һәм II дәрәҗә Бөек Петр ордены.
Татарстанның атказанган хокукчысы.
Татарстан ЭЭМ мактаулы хезмәткәре.
Сарман районының мактаулы гражданы (2016)^[2]
2019 — "Татарстан Республикасы каршындагы казанышлары өчен" ордены — «күпьеллык фидакарь хезмәте һәм закончалыкны һәм хокук саклауны тәэмин итүгә керткән зур өлеше өчен»
2019 — «Суд эшчәнлегенә керткән хезмәте өчен» күкрәк билгесе (РФ судьялары шурасы) — «РФ суд эшчәнлеген камилләштерүгә керткән өлеше, гражданнарның хокукларын һәм хокукый мәнфәгатьләрен яклаудагы казанышлары, фидакарь хезмәте өчен»
2019 — «Мактаулы хезмәте өчен» медале — «суд системасы үсешенә керткән шәхси өлеше, РФ суд эшчәнлеген камилләштерүдә һәм аны ныгытуда күпкырлы хезмәте өчен» ^[3].
2021 ― «Халыкара иминлекне ныгытудагы казанышлары өчен» медале (РФ Иминлек Советы) ― «Россия Федерациясе дәүләт мәнфәгатьләрен тәэмин итүгә зур өлеш кертүе өчен»^[4].