Һерман Греф

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Һерман Греф latin yazuında])
Навигациягә күчү Эзләүгә күчү
Һерман Греф
Президент, председатель правления Сбербанка России Герман Греф 01.jpg
Туган телдә исем Һерман Оскар улы Греф
Туган 8 февраль 1964(1964-02-08) (55 яшь)
ССРБ, Казакъ ССР, Павлодар өлкәсе, Панфилово
Милләт алман
Ватандашлыгы ССРБFlag of the Soviet Union.svg ССРБ
Русия байрагы РФ
Әлма-матер Омск дәүләт университеты[d] һәм Питырбур дәүләт университеты
Һөнәре хокук белгече, банкир
Сәяси фирка Советлар Берлеге коммунистик фиркасе һәм Ленинградский народный фронт[d]
Җефет I Елена Великанова
II Яна Головина (Глумова)
Балалар улы, ике кызы
Ата-ана
  • Оскар Федор улы (?-1965), мөһәндис (әти)
  • Эмилия Филипп кызы, икътисадчы (әни)
Бүләк һәм мөкәфәтләре Александр Невский ордены (РФ)
3нче дәрәҗә Ватан алдындагы хезмәтләр өчен ордены
4нче дәрәҗә Ватан алдындагы хезмәтләр өчен ордены
Хөрмәт ордены (РФ)
Гыйльми дәрәҗә: икътисад фәннәре кандидаты[d] (2011)
Сайт http://www.sberbank.ru
Култамагасы

Commons-logo.svg Һерман Греф Викиҗыентыкта

Һерман Греф, Һерман[1] Оскар улы Греф (алман. Herman Gref, рус. Герман Оскарович Греф, 1964 елның 8 феврале, ССРБ, Казакъ ССР, Павлодар өлкәсе, Иртеш районы, Панфилово) — РФ билгеле топ- менеджерларының берсе, 2007 елның көзеннән Саклык банкы президенты — идарә рәисе, 2000-2007 елларда РФ икътисади үсеш министры. 1 класслы РФ хакыйкый дәүләт киңәшчесе. Икьтисад фәннәре кандидаты (2011). Еллык кереме $ 15 млн (2013), $ 13,5 млн (2015) булган. Саклык банкының 0,003096 % акциясенә ия[2].

Тәрҗемәи хәле[үзгәртү | вики-текстны үзгәртү]

1964 елның 8 февралендә Казакъ ССР Пвлодар өлкәсе Иртеш районы Панфилово авылында сугыш вакытында Донбасстан сөрелгән өч балалы алман гаиләсендә төпчек бала булып туган. Яшь ярым булганда, әтисе Оскар Федор улы вафат була. Балаларны әнисе Эмилия Филипп кызы һәм әбисе тәрбияли. Мәктәптә укыганда спорт белән мавыга. 1982-1984 елларда Куйбышев өлкәсе Чапаевск шәһәрендә хәрби хезмәттә була. «Хокук белеме» белгечлеге буенча Омск дәүләт университетының юридик факультетын тәмамлый (1990). 1990-1993 елларда Ленинград дәүләт университетының юридик факультеты аспирантурасында укый (фәнни җитәкчесе проф. Анатолий Собчак (ru). РФ президенты каршындагы Русия халык хуҗалыгы һәм дәүләт хезмәте академиясендә (рус. РАНХиГС) «Развитие и перспективы структурных институциональных реформ в российской экономике» темасына икътисад фәннәре кандидатлыгына диссертация яклый (2011).

Хезмәт юлы[үзгәртү | вики-текстны үзгәртү]

1990 елда Омск дәүләт университетының юридик факультеты укытучысы.

1991-1998 елларда Питырбур мэриясендә эшли: Петродворец администрациясенең икътисади үсеш һәм милек комитетының юристконсульты вазифасыннан вице-губернатор, шәһәр администрациясенең милек белән идарә итү комитеты рәисе дәрәҗәсенә кадәр үсә.

Булачак РФ президенты В. В. Путин белән таныша. 2000 елда Һ. О. Греф җитәкләгән Стратегик эшкәртмәләр үзәге (рус. ЦСР) беренче мәртәбә президентлыкка дәгъва итүче В. В. Путинга икътисади программа әзерли.

1998-2000 елларда Стратегик эшкәртмәләр үзәге җитәкчесе булу белән бергә, РФ дәүләт милке министры урынбасары вазифасында да була.

В.В. Путин беренче мәртәбә президент булып сайлангач (2000 елның 26 марты), Һ. О. Грефны 2000 елларның беренче яртысында РФ хөкүмәтендәге (премьер-министр Михаил Касьянов) иң йогынтылы (Греф өчен махсус президент указы белән ике министрлыкны берләштереп ясалган) министрлыкларның берсе булган — РФ икътисади үсеш һәм сәүдә министрлыгы җитәкчесе вазифасына билгели.

2004-2007 елларда РФ хөкүмәтендә (премьер-министр Михаил Фрадков (ru)) шул ук вазифада.

2007 елның көзендә Саклык банкы президенты — идарә рәисе итеп билгеләнә, РФ икътисади үсеш һәм сәүдә министрлыгында аны Эльвира Нәбиуллина (хәзерге РФ Үзәк Банкы җитәкчесе) алыштыра.

Гаилә хәле[үзгәртү | вики-текстны үзгәртү]

Ике кат өйләнгән. Беренче никахыннан туган улы Олег (1982, әнисе Елена Великанова), Brayne консалтинг ширкәтенең идарәче партнеры.
2004 елда өйләнешкән икенче хатыны Яна Владимир кызы Головина (беренче ире буенча Глумова, 05.08.1975), икътисадчы, дизайнер, Хорошевск элиталы (түләүле: айга 51 мең сум) прогимназияне гамәлгә куючы[3]. Ике кызлары бар (2006, 2008).

Апасы Елена Оскар кызы (ире буенча Передрий), пединститут тәмамлаган, Находкада яши, «Приморье» банкы хуҗаларының берсе.

Абыйсы Евгений Оскар улы (08.09.1952), Омск эшкуары, «Технопарк» ҖЧҖ һ. б. ширкәтләр хуҗасы.

Бүләкләре, мактаулы исемнәре[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. Herman Oskarovich Gref. Bloomberg.com
  2. Герман Греф. Биография. Информационное агентство INFOX.ru, 09.01.2018
  3. Татьяна Никитина. Зачем семье Германа Грефа собственная школа. Forbes Woman, 18.03.2015