Әбүләла әл-Мүәрри

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Әбүләла әл-Мүәрри latin yazuında])
Навигациягә күчү Эзләүгә күчү
Әбүләла әл-Мүәрри
Абу-ль-Аля аль-Маарри.jpg
Туу датасы: 973(0973)
Туу урыны: Хәлеб әмирлеге, Идлиб, Мәәррат ән-Ногман
Үлем датасы: 1057(1057)
Үлем урыны: Хәлеб әмирлеге, Идлиб, Мәәррат ән- Ногман
Милләт: гарәп
Эшчәнлек төре: шагыйрь
Юнәлеш: фәлсәфә
Жанр: шигърият, проза
Иҗат итү теле: гарәп теле

Әбүләла әл-Мүәрри, Әхмәд бин Габдулла бин Сөләйман Әбүләла әл-Мүәрри әт-Тәнухи (гарәп. أبو العلاء المعري‎) — X гасырда Якын Көнчыгышта билгеле булган гарәп шагыйре.

Тәрҗемәи хәле[үзгәртү | вики-текстны үзгәртү]

973 елда Хәлеб әмирлегенең (хәзерге Сүриянең Идлиб мөхәфәзәсе) Мәәррат ән- Ногман (гарәп. معرة النعمان‎) шәһәрендә югары гыйлемле филолог гаиләсендә туган.

Өч яшьлек чагында сукырая. Балачагыннан телләр өйрәнүгә һәм шигърияткә чиксез зур сәләтен күрсәтә. Үз-үзен «пәйгамбәр» дип атаучы, ватандарлык рухында язылган шигырьләре белән барлык гарәп дөньясына танылган илгизәр шагыйрь Әл-Мөтәнәбби (915965) иҗаты белән мавыга. Әл-Мөтәнәбби шигырьләре мәҗмүгасына сокланып, аларга «Аллаһ могҗизасы» исемендәге комментарийлар яза. Соңрак үзе дә «Мәҗбүри булмаганның мәҗбүрилеге» исемле шигырьләр китабы иҗат итә, шигырьләрендә үзен фәлсәфәче-һуманист итеп күрсәтә, социаль тигезсезлекне тәнкыйтьләүче буларак таныла.

Проза белән язылган «Ярлыкау турында юлламалар» һәм «Фәрештәләр турында юлламалар» исемле әсәрләрендә «җанның мәңгелек булуы» һәм теге дөнья (ахирәт) турындагы идеяләрне кабул итмәвен күрсәтә, шулай дип раслаучыларны мыскыл итә.

Җир шары һәм анда яшәгән барлык тереклек ияләре Аллаһ кодрәте белән түгел, бәлки табигый процесслар нәтиҗәсендә барлыкка килгәннәр, дигән фикерне алга сөрә.

Әдәбият[үзгәртү | вики-текстны үзгәртү]

  1. Мудрость тысячелетий. Энциклопедия. М.: ОЛМА-ПРЕСС, 2003, 198-199 битләр. ISBN 5-224-00562-0 (рус.)

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]