Әгерҗе районы флагы
| Әгерҗе районы флагы | |
| Нигезләнү датасы | 2006 |
|---|---|
.png) | |
| Дәүләт |
 Россия |
| Юрисдикциягә карый | Әгерҗе районы |
| Яклар чагыштырмасы | 3:2[d] |
Россия Федерациясе «Татарстан Республикасы Әгерҗе муниципаль районы» муниципаль берәмлеге флагы — муниципаль берәмлекнең рәсми символы һәм танып-белү-хокукый билгесе.
Флаг 2006 елның 1 августында расланган[1] һәм теркәү номеры 2625 булган Россия Федерациясе Дәүләт геральдика регистрына һәм 71 нче номерлы Татарстан Республикасы Дәүләт геральдика реестрына кертелгән.
Тасвирлама[үзгәртү | вики-текстны үзгәртү]
«Киңлеге озынлыгына 2:3 нисбәттәге, туры почмаклы яшел тукыма, аскы чиге тукыма киңлегенең 1/6 өлеше киңлегендәге күк буйга тоташа; тукыма уртасында — күк буйга баскан, район гербындагы ак, соры, кара һәм кызыл төсләр белән башкарылган җайдак сыны; өстәге сул почмакта — флаг сабы кырыеннан җәелеп киткән алтын канатлы, сигез нурлы көмеш йолдыз».[2]
Символиканың нигезләнүе[үзгәртү | вики-текстны үзгәртү]
Флаг Әгерҗе муниципаль районы гербы нигезендә төзелде. Флаг вексиллологиянең кагыйдәләр,тиешле традицияләре буенча һәм тарихи, мәдәни, социаль-икътисади, милли һәм башка җирле традицияләрне саклап төзелде.
Әгерҗе җире үзенең тарихы һәм традицияләре белән бай. Район үзәге — Әгерҗе шәһәре 1646 елдан бирле билгеле.
Татар милли киемнәре кигән җайдак — Гербның төп фигурасы. Ул символик рәвештә әлеге төбәккә нигез салучы Әгерҗе турындагы риваять каһарманын сурәтли.
Җайдакның алга омтылган кулы Әгерҗе районы халкының якты киләчәккә омтылуын, ә түбәдә урнашкан сигез нурлы йолдыз («роза ветров») шулай ук районда яшәүче барлык халыкларның уртак максатларга ирешүдә көчләрен берләштерүне символлаштыра. Алтын канат тимер юл транспорты символы булып тора (Әгерҗе станциясе-Татарстан Республикасының иң зур тимер юл төене).
Әгерҗе районын көньяктан Түбән Кама сусаклагычының суларын юа, ул Флагта зәңгәр полоса белән күрсәтелгән.
Районның үзенчәлеге — аның авыл хуҗалыгы юнәлеше: бөртекле культуралар (сабан бодае, көзге арыш) игелә, бәрәңге, шикәр чөгендере үстерелә, ит-сөт җитештерү үсеш ала. Болар барысы да флагта яшел төс белән чагылдырылган.
Ак төс (көмеш) - ачыклык, ачыклык, татулык, сафлык символы.
Сары төс (алтын) — уңыш, байлык, тотрыклылык, хөрмәт һәм акыл символы.
Кара төс — мәңгелек, зирәклек, тыйнаклык символы.
Яшел төс яз, сәламәтлек, табигатьне, уңдырышлылыкны символлаштыра.
Кызыл төс — батырлык, көч һәм матурлык, бәйрәм символы.
Зәңгәр төс — югары омтылышлар, намус, дан, тугрылык, үлемсезлек символы.
Моны да карагыз[үзгәртү | вики-текстны үзгәртү]
Искәрмәләр[үзгәртү | вики-текстны үзгәртү]
- ↑ Решение Совета Агрызского муниципального района Республики Татарстан от 01.08.2006 № 7-5 «О флаге муниципального образования „Агрызский муниципальный район Республики Татарстан“»
- ↑ Онлайн - энциклопедия Tatarica
Әдәбият[үзгәртү | вики-текстны үзгәртү]
- Государственные и муниципальные символы республики татарстан = Татарстан республикасы дәүләт һәм муниципаль символлары = State and municipal symbols of the Republic of tatarstan.. — Казань: Татарское книжное издательство, 2017. — С. 65-68. — 248 с.
