Әлмәт районы гербы

Әлмәт районы гербы
Нигезләнү датасы	26 декабрь 2006

Татарстан Республикасы Әлмәт муниципаль районы гербы — Әлмәт районы муниципаль берәмлегенең рәсми символы булган танып-белү-хокукый билгесе.

Герб Әлмәт муниципаль районы Советының 131 нче номерлы карары нигезендә 2006 елның 26 декабрендә расланган.

Герб Россия Федерациясенең Дәүләт Геральдик Реестрына 3450 номерлы белән теркәлгән һәм Татарстан Республикасының Дәүләт Геральдик Реестрына No. 92 номеры белән теркәлгән.

Герб тасвирламасы

«На зелёном поле с червлёной оконечностью, поверх всего — золотой сквозной цветок тюльпана, внутри которого поставленная на оконечности золотая приставная лестница и поверх неё — бьющий из оконечности чёрный о двух струях фонтан».

«Җете кызыл очлыклы яшел җирлектә, алар өстендә — үтәли күренмәле лалә чәчәге, аның эчендә очлык кырыена алтын сөялмә баскыч куелган һәм аның өстенә очлыктан ике агынты белән бәреп чыккан кара фонтан урнаштырылган».

Герб символикасы

Герб символлар һәм аллегорияләр телендә Әлмәт районының табигый, икътисадый һәм тарихи үзенчәлекләрен чагылдыра.

Әлмәт тарихы XVIII гасырның беренче чирегендә башлана, ул вакытта Әлмәт авылы барлыкка килә, аннары ул шәһәр тибындагы бистә булып үскешә һәм 1953- нче елда шәһәргә әверелә. Әлмәтнең шәһәр буларак формалашуы нефть чыганакларын үстерү белән бәйле.

Бүген Әлмәт районы - Татарстандагы иң зур нефть чыгару үзәге. Русиянең әйдәп баручы нефть компанияләренең берсе, Әлмәттә урнашкан ОАО ТАТНЕФТ, төбәкнең генә түгел, гомумән, республиканың икътисады һәм социаль тормышы үсешенә зур өлеш кертүче предприятие буларык билгеле.

Районның бу үзенчәлеге гербта алтын баскыч һәм кара фонтан образы белән билгеләнгән. Алтын баскыч — нефть вышкасының аллегорик сурәтләнеше. Алтын белән кара төсләр комбинациясе нефтьнең "кара алтын".символик билгеләмәсен ассызыклый.

Алтын төс — урак, байлык, акыл һәм хөрмәт символы.

Кара төс — акыл, зирәклек, тыйнаклык, намуслылык символы.

Алтын сары лалә Әлмәт районының чәчәк атуын, бөеклеген һәм данын күрсәтә. Моннан тыш, чәчәк, төрки халыклар сәнгатендәге төп чәчәк бизәкләренең берсе буларак, бу җир тарихын аллегорик яктан чагылдыра.

Калканның төсләр гаммасы табигать һәм сәнәгать җитештерү комбинациясен гәүдәләндерә.

Гербның яшел кыры географик үзенчәлекләргә, бу урыннарның табигый матурлыгына басым ясый. Яшел төс — табигать, сәламәтлек, яшьлек, тормыш символы.

Кызыл җирлеге Әлмәт районының үсеш алган сәнәгать производствосын күрсәтә — район республиканың көньяк-көнчыгыш төбәгенең көчле сәнәгать үзәге. Кызыл төс — батырлык, көч, тырышлык, матурлык һәм бәйрәм символы.

Герб тарихы

Әлмәт гербы (1987)

Әлмәт районы гербы Әлмәт гербы нигезендә ясалган , герб 1987 елның 9 октябрендә Халык Депутатлары шәһәр Советы башкарма комитеты тарафыннан расланган (карар No. 558). Герб авторы Э. Г. Стефановский.

Районнан герб авторлары: Рафаэль Курамшин (Альметьевск), Марат Исламов (Альметьевск)

Район гербы Татарстан Республикасы Президенты каршындагы Геральдик Совет тарафыннан Россия Геральдистлары Союзы белән берлектә яңадан каралган:

Рамил Хайрутдинов (Казан), Радик Салихов (Казан), Константин Моченов (Химки), Галина Русанова (Мәскәү), Кирилл Переденко (Конаково) ".

Моны да карагыз

• Әлмәт районы флагы

Әдәбият

• Государственные и муниципальные символы республики татарстан = Татарстан республикасы дәүләт һәм муниципаль символлары = State and municipal symbols of the Republic of tatarstan.. — Казань: Татарское книжное издательство, 2017. — С. 89-92. — 248 с.

Чыганаклар

• Союз геральдистов России