Әни көне
Әниләр көне - әниләр хөрмәтенә халыкара бәйрәм. Бу көнне, барлык хатын-кыз вәкилләре котлауларны кабул иткән Халыкара хатын-кызлар көненнән аермалы буларак, әниләрне һәм йөкле хатын-кызларны котлау гадәткә кергән. Төрле илләрдә бу көн төрле даталарга туры килә. Нигездә, дөньяда әниләр көне майның икенче якшәмбесендә билгеләп үтелә, шул исәптән Украинада, Эстонияда, АКШнда, Мальтада, Кипрда, Данияда, Финляндияда, Германияда, Италияда, Төркиядә, Австралияда, Японияда, Бельгиядә һәм Бразилияда. Русиядә әниләр көне ноябрьнең соңгы якшәмбесендә үткәрелә, Мисырда - 21 мартта, Беларусиядә - 14 октябрьдә, Грузиядә - 3 мартта, Әрмәнстанда - 7 апрельдә билгеләп үтелә. Казахстан Республикасында Аналар көне сентябрьнең өченче якшәмбесендә, Кыргызстанда - майның өченче якшәмбесендә, Бөек Британиядә - мартның беренче якшәмбесендә, Грециядә - 9 майда һәм Польшада - 26 майда билгеләп үтелә. Шведлар һәм Французлар әниләрен майның соңгы якшәмбесендә котлыйлар. Серблар - декабрьдә [1] . Испания, Португалия һәм Литвада [2], әниләр көне майның беренче якшәмбесендә билгеләп үтелә. Филиппиннарда - 10 майда.
- ↑ Празднование дня матери
- ↑ День матери в Литве. әлеге чыганактан 2017-01-18 архивланды. 2017-01-17 тикшерелде.