Эчтәлеккә күчү

Cäläl Esat Arseven

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Cäläl Esat Arseven latin yazuında])
Cäläl Esat Arseven
tör. Celâl Esat Arseven
Hönäre rässam, yazuçı häm säyäsätçe
Tuu datası 1876 yıl(1876)
Tuu cire Ğosman imperiäse, Konstantinopol
Ülem datası 13 noyäber 1971(1971-11-13)
Ülem cire Törkiä, İstanbul
Ätise Äxmät Esad-paşa

Cäläl Esat Arseven (tör. Celâl Esat Arseven; Mäxmät Cäläletdin Arseven[1] (tör. Mehmet Celâlettin Arseven); 1876 yıl[2], Ğosman imperiäse, Konstantinopol[3]1971 yılnıñ 13 noyäbre, Törkiä, İstanbul) — Törkiä rässamı, yazuçısı häm säyäsätçese.

1876 yılda İstanbulda Böyek wäzir Äxmät Esad-paşa häm anıñ xatını Fatma Suzidil ğailäsendä tuğan. Ätise Cäläl yäş bulğanda ülgän. Galatasaray litseyen tämamlağan. 1894 yılda Xärbi akademiäne pexota ofitserı däräcäsendä tämamlağan. Anıñ uqıtuçıları arasında Xoca Ali Rıza häm Zonaro bulğan.

1908 yılda dustı Sälax Cimcoz belän bergä «Kalem» karikatura jurnalın çığara başlağan. Şul uq yılda törek rässamnarı eşlären populärlaştıru maqsatınnan saqlanu ministrlığı tarafınnan çit ilgä cibärelgän. 1910 yılda pyesa yazğan, ul 1958 yılda ayırım kitap bularaq basılıp çıqqan, şulay uq Däwlät Teatrında quyılğan. Annarı «Koruyan olu» häm «Alemdar Mustafa Pasa» pyesaların yazğan. 1942 yılda Törkiä Böyek millät mäclese äğzası itep İstanbul ilennän saylanğan, 1946 yılda Giresun ilennän yañadan saylanğan.

1971 yılnıñ 13 noyäbrendä İstanbulda wafat bulğan.

Cäläl Esat Arseven häm anıñ xatını Leman Arseven qäberläre Sahrayıcedid ziratında
  • Türk Sanatı Tarihi 4 cilt,
  • Sanat Ansiklopedisi 5 cilt,
  • Mimari Tarihi,
  • Kamusu Sanat,
  • Türk Sanatı,
  • Şehircilik,
  • Eski İstanbul Abidat ve Mebanisi,
  • Selimi Salis (Salah Cimcoz ile yazdı-tiyatro),
  • Saatçı (operet),
  • Şaban (Viyana’da temsil edilen ilk Türk operası)
  • Sanat ve Siyaset Hatıralarım