Эчтәлеккә күчү

Coi Cordison

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Coi Cordison latin yazuında])
Coi Cordison
ingl. Joey Jordison
Tuu datası

26 aprel 1975[1]

Tuu urını

AQŞ, Ayowa, De-Moyn

Ülem datası

26 iyül 2021[2][3] (46 yäş)

Ülem urını

AQŞ, Ayowa, De-Moyn

İl

АКШ байрагы AQŞ

Hönär

multiinstrumentalist[en]

Aktivlıq yılları

1995 — 2021

İnstrument

bärü caylanması[en], perkussiä[en], gitara, bas-gitara[en], klavişlılar[en]

Janr

alternativ metal[en], heavy-metal[en], hardcore-punk, ekstremal’ metal[en]

Psevdonimnar

Superball, # 1

Kollektivlar

Slipknot, Anal Blast, Modifidious, Murderdolls, Roadrunner United, Scar The Martyr, VIMIC, Sinsaenum

Leybllar

Nuclear Blast[en], Roadrunner Records[en]

Neytan Conas Cordison (ingl. Nathan Jonas Jordison; 1975 yılnıñ 26 aprele, AQŞ, Ayowa, De-Moyn — 2021 yılnıñ 26 iyüle, AQŞ, Ayowa, De-Moyn), kübräk Coi Cordison (ingl. Joey Jordison) bularaq bilgele — Amerika barabançısı, Slipknot[en] nu-metal[en] törkemenä nigez saluçılarnıñ berse bularaq tanılğan. Coi 18 yıl däwamında (1995—2013) törkemneñ töp qatnaşuçılarınıñ berse bulğan, ämmä 2013 yılda ul kollektivtan kitkän. 2010 yılda Rhythm Britaniä jurnalı uquçıları arasında soraştıru nigezendä soñğı 2 yılda iñ yaxşı 100 bärgeç isemlegen citäklägän. 2013 yılda Scar The Martyr[en] sayd-proyektına[en] nigez salğan. Classic Rock[en] jurnalı versiäse buyınça 50 iñ yaxşı rok barabançıları isemlegendä 13-nçe urınnı bili[4].

Biografiäse

[үзгәртү | вики-текстны үзгәртү]

Anıñ awır muzıkağa mäxäbbäte 1981 yılda Ozzi Osborn[en] konsertın qarağannan soñ başlanğan. Coi başta mäktäp törkemnärendä gitarada uynağan, ä baraban caylanmasın 1982 yılda äti-änisennän büläk itep alğan.

Cordison «Music Land» muzıka skladında häm Wokidağı AYSSta[en] eşlägän, häm De-Moyn rayonında Anal Blast häm Modifidious’nı[ru] da kertep, törle awır metal törkemnärendä uynağan.

Modifidious Tim isemle kürşese belän bergä buldırılğan. Bu «speed[en]-thrash-metal» uynağan törkem ide. Barlıq 15 cır da tiz ritmda yazılğan.

Anıñ töp proyektı Slipknot bulğan. Ul törkemgä 1995 yılnıñ mayında quşılğan. Ä Slipknot’nıñ ul işetkän berençe cırları «Slipknot», «Gently» häm «Fur» bulğan. Slipknot sostavında ul «Mate. Feed. Kill. Repeat.[en]» (1996) demo-albomın yazdıruda qatnaşqan. Barı tik 1000 küçermä genä çığarılğan häm satılğan. Şul uq isemdäge debüt albomı[en] çığu belän törkem çın-çınlap tanılğan bulğan, Billboard[en] çartlarında 1-nçe urınnı alıp[5]. Cordison törkem belän bergä 2001 yılğı turne waqıtında Ozzfest[en] festivallärendä çığış yasağan.

Slipknot’nıñ kiläse albomı «Iowa[en]» 2001 yılda çığarılğan, ul Billboard çartlarında 1-nçe urında häm Böyekbritaniä häm Kanada milli çartlarında 1-nçe urında debütı bulğan. Ozaq waqıtlı turnedan soñ törkem waqıtlıça eşçänlegen tuqtatqan.

Bu waqıtta Cordison Marilyn Manson[en] törkemeneñ «The Fight Song» cırın remikslağan, şulay uq «Tainted Love» klipında töşkän. 2002 yılda Cordison, Cozef Pull häm Tripp Eyzen[en] Murderdolls[en] horror-punk-törkemenä nigez salğan.

Murderdolls’ta ul bitleksez uynıy ide. Alarnıñ berençe albomı Beyond the Valley of the Murderdolls bulğan. Annarı törkem Cordison Slipknot’qa qayta alsın öçen üz eşçänlegen tuqtatqan. Şunnan soñ Cordison Slipknot’ta uynağan, ä Murderdolls tarqalğan.

Cordisonnıñ Slipknot’qa qaytuwınnan soñ ozaq ta ütmi, törkem 2004 yılda «Vol. 3: The Subliminal Verses[en]» çirattağı albomın yazdırğan. albom Billboard’ta häm Britaniä çartlarında berençe urınğa qädär barıp citkän.

2004 yılnıñ cäyendä, Download[en] festivalendä, Metallica barabançısı Lars Ulrix[en] awırğan häm çığış yasıy almağan. Konsertta Cordison Ulrixnı alıştırğan. Coi Metallica set-listınıñ küp öleşen uynağan. 2004 yılnıñ dekäberendä, Satyricon[en] Norvegiä black-metal-törkemeneñ Amerika Quşma Ştatları buyınça turı waqıtında, Cordison Frostnı[en] almaştırğan, çönki anı ilgä kertmägännär. Ul şulay uq «Rio Grande Blood» albomın bulışu öçen tur waqıtında Ministry[en] bärgeçe bulğan.

Şulay uq ul American Head Charge[en] törkeme belän bergä uynağan. 2007 yılnıñ 19 aprelendä Devid Silveriä[en] yalda bulğanda, Coi Korn[en] belän turda yaqınça 5 ay uynayaçağı iğlan itelgän. 2008 yılda Cordison Slipknot sostavında üzeneñ soñğı albomın, «All Hope Is Gone[en]»nı yazdırğan[6].

Coi şulay uq prodüserlıq belän şöğellängän, anıñ berençe eşe — 3 Inches of Blood[en] törkemeneñ «Fire up the Blades» (2007) albomı.

Coi Cordison konsertlarnıñ bersendä bitlektä.

2010 yılda Murderdolls yañadan berläşkän. Annarı, 31 avgustta, «Women & Children Last» relizı bulğan. Törkem yaña sostav cıya. Murderdolls «Yılnıñ iñ yaxşı qaytuwı» bülägen alğan. Alarnıñ yaña albomın bulışu öçen tur 2011 yılnıñ 24 aprelendä tämamlanğan, şunnan soñ tınlıq urnaşqan. Näticädä Coi anı bütän bu proyekt qızıqsındırmawın xäbär itkän.

2013 yılda MMÇ xäbär itkänçä, Cordison Slipknot törkemennän şäxsi säbäplär arqasında kitkän[7].

2016 yılnıñ 13 iyünendä, Londonda Metal Hammer[en] Golden Gods tantanasında Coi Cordison üzeneñ törkemnän kitü säbäben añlatqan. Ul qatı awıru — mielit[en] bulıp çıqqan[8][9]. Cordisonnıñ komandadan kitüwen ozaq waqıt ser pärdäse belän qaplanğan ide: barabançı üze häm anıñ elekkege kollegaları neçkäleklären açudan baş tartqannar. Törkemneñ frontmenı Kori Teylor[en] monı Cordisonnı «yaqlaw» teläge belän añlatqan, şul uq waqıtta ul açıqtan-açıq barabançı belän alğa taba eşläw mömkin tügel ide, dip äytkän. «Min arqılı mielit digän cirängeç awıru belän bik nıq awırdım. Min başqa uynıy almadım. Bu tarqaw skleroz forması ide, min anı iñ naçar doşmanğa telämäs idem», — dip belderde Cordison Metal Hammer Golden Gods’ta[9]. Soñınnan Cordison däwalanuwın däwam itkän, ul uñışlı bulğan[8].

2021 yılnıñ 26 iyülendä 46 yäşendä yoqıda wafat bulğan[10][11][12][13].

Diskografiäse

[үзгәртү | вики-текстны үзгәртү]

Modifidious

  • Drown (1992)
  • Visceral (1993)
  • Mud Fuchia (1994)
  • Sprawl (1995)

Slipknot

  • Mate. Feed. Kill. Repeat. (1996)
  • Slipknot (1999)
  • Iowa (2001)
  • Vol. 3: (The Subliminal Verses) (2004)
  • 9.0: Live (2005)
  • All Hope Is Gone (2008)
  • Antennas to Hell (2012)

The Rejects

  • Love Songs For People Who Hate (2012)

The Have Nots

  • Demo (1996)

Murderdolls

  • Beyond The Valley Of The Murderdolls (2002)
  • Women And Children Last (2010)

Roadrunner United

  • The All-Star Sessions (2005)

Scar The Martyr

  • Scar The Martyr (2013)

Sinsaenum

  • Echoes of the Tortured (2016)
  • Ashes (2017)
  • Repulsion For Humanity (2018)

Qunaq qatnaşuwı

  • House Of Secrets — Otep (2008)
  • Fire Up The Blades — (3 Inches of Blood)
  • Hellbilly Deluxe II — (Rob Zombie)

İskärmälär

[үзгәртү | вики-текстны үзгәртү]
  1. ↑ Joey Jordison.
  2. ↑ Schaffner, Lauryn SchaffnerLauryn (2021-07-27). Founding Slipknot Drummer Joey Jordison Dead at 46.
  3. ↑ Grow, Kory (2021-07-27). Joey Jordison, Founding Slipknot Drummer, Dead at 46.
  4. ↑ Rocklist.net...Steve Parker...Classic Rock Lists.... әлеге чыганактан 2013-03-20 архивланган. 2020-02-28 тикшерелгән.
  5. ↑ Joe DiVita (2020-06-30). Joey Jordison Posts Touching Reflection on Anniversary of First Slipknot Album.
  6. ↑ Jon Wiederhorn (2020-08-26). 12 Years Ago: Slipknot Release 'All Hope Is Gone'.
  7. ↑ Из Slipknot ушёл барабанщик 2014 елның 16 февраль көнендә архивланган. Lenta.ru. 13 декабря 2013.
  8. 1 2 Graham Hartmann (2018-08-13). Joey Jordison: I'm 100-Percent Back and Stronger Than Ever.
  9. 1 2 Звуки.Ру - Joey JORDISON - "Я лишился ног...". Zvuki.ru. 2016-06-23 тикшерелгән.
  10. ↑ Kory Grow (2021-07-27). Joey Jordison, Founding Slipknot Drummer, Dead at 46. Rolling Stone.
  11. ↑ Lauryn Schaffner (2021-07-27). Founding Slipknot Drummer Joey Jordison Dead at 46.
  12. ↑ [https://www.blabbermouth.net/news/former-slipknot-drummer-joey-jordison-dead-at-46/ Former 14:10 SLIPKNOT Drummer JOEY JORDISON Dead At 46] (2021-07-27).
  13. ↑ Ex-Slipknot Drummer Joey Jordison Has Died (2021-07-27).

Sıltamalar

[үзгәртү | вики-текстны үзгәртү]
Чыганак — https://tt.wikipedia.org/w/index.php?title=Coi_Cordison&oldid=4643803