Donetsk Xalıq Cömhüriäte

Wikipedia — ирекле энциклопедия проектыннан
Моңа күчү: навигация, эзләү
Donetsk Xalıq Cömhüriäte
2014 yılnıñ 7 aprelennän
Bayraq İltamğa
bayrağı gerbı
İl köye: "Tor, Donbass"
urnaşuı
Bäysezlek 2014 yılnıñ 7 aprele (Ukrainadan)
Däwlät tözeleşe tanılmağan däwlät
İdärä itü forması Cömhüriät
Räsmi tel rusça, ukrainça
Başqala Donetsk
Cömhüriät başlığı Aleksandr Zaxarçenko
Mäydan 26 517 km²
Xalıq sanı 4 356 395 keşe(2013)
Aqça sum, hrivna
Waqıt UTC +3
Telefon kodı +380 62


Donetsk Xalıq Cömhüriäte, DXC (rusça Доне́цкая наро́дная респу́блика, ukrainça Донецька Народна Республіка) - 2014 yılnıñ aprelendä Ukraina territoriäsendä Urıs yazı näticäsendä kilep çıqqan tanılmağan däwlät.

24 iyündä DXC häm LXC Yañarusiä digän Xalıq Cömhüriätlär konfederativ Berlegenä berläşä. 27 iyündä öleşçä tanılğan däwlät Könyaq Osetiä DXC bäysez däwlät bularaq tanıdı.

Köräş tarixı[үзгәртү | вики-текстны үзгәртү]

Donetsk Xalıq Cömhüriäte Kiev belän konstruktiv dialog bulmawı säbäple federatsiäläşterü tarafdarları tarafınnan iğlan itelgän. Yevromäydan näticäsendä Kievta kilgän xäkimiät Donetsk Xalıq Cömhüriäten "separatist terroristik oyışması" bularaq taswirlıy.

13 aprelgä qädär Donetsk Xalıq Cömhüriäte böten Donetsk ölkäse östendä üz kontrolen urnaştırdı.

DXC ğäskäre yullarda blok-postlar urnaştıra.

20 apreldä Slavänsk şähäre yanında "Uñ bülek" häm DXC opolçeniese arasında qorallı bäreleş näticäsendä 5 keşe wafat bulğan.

30 apreldä Rada bilgelägän Ukraina prezidentı wazifaların waqıtlı başqaruçı Aleksandr Turçinov Ukraina xökümäte Donetsk Xalıq Cömhüriäte östendä kontrolen yuğaltqanın tanıdı [1].

2-4 mayda Kievta kilgän xakimiätkä buysınğan ğäskärläre häm Donetsk Xalıq Cömhüriäte arasında qorallı qarşılıq arta, ike höcüm itkän boralaq DXC tarafınnan yuq itelä.

2014 yılnıñ 11 mayında Donetsk Xalıq Cömhüriäte üzbilgelänüe turında referendum ütkärelä.

Referendum[үзгәртү | вики-текстны үзгәртү]

2014 yılnıñ 11 mayında ütkärelgän Donetsk Xalıq Cömhüriäte üzbilgelänüe turında referendum näticäsendä saylawçılar 89 %ı Donetsk Xalıq Cömhüriäte däwlät bäysezlegen yaqlağan.

Referendum näticäläre nigezendä 2014 yılnıñ 12 mayında Donetsk Xalıq Cömhüriäte däwlät suverenitetın iğlan itä.

Suğış[үзгәртү | вики-текстны үзгәртү]

26 mayda Kiev üzäk xäkimiäte DXC häm LXC-nä qarşı suğış xäräkätläre (ATO) başlıy. Suğış waqıtında küp kenä xärbi bulmağan watandaşlar häläk bula.

1 sentäberdä Minsk şähärendä "Minsk kileşüe" imzalanğannan soñ, aktiv suğış xäräkätläre waqıtlıça tämamlana.

Saylawlar[үзгәртү | вики-текстны үзгәртү]

DXC häm LXCdä Ukraina Yuğarı Radasına saylawlar uzmıy, ä 2 noyäberdä üzeneñ saylawları ütkärelä.

Saylawlarda premyer Aleksandr Zaxarçenko Cömhüriät başlığı bulıp saylana (765 meñ tawış), Xalıq Şurasında (parlament) "Donetsk Cömhüriäte" digän firqä östenlek ala.

Könbatış illäre saylawlarnı tanımıy, Rusiä Federatsiäse saylawlarnı "xörmät itä".[2]

Monı da qarağız[үзгәртү | вики-текстны үзгәртү]

İskärmälär[үзгәртү | вики-текстны үзгәртү]

Sıltamalar[үзгәртү | вики-текстны үзгәртү]