Эчтәлеккә күчү

Frederik Corc Kenyon

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Frederik Corc Kenyon latin yazuında])
Frederik Corc Kenyon
ingl. Frederic George Kenyon
Tuu datası

15 ğinwar 1863[1][2]

Tuu urını

London

Ülem datası

23 avgust 1952 (89 yäş)

Ülem urını

Surrey[d], Oksted[d][3]

İl

Бөек Британия байрагы Böyekbritaniä

Eşçänlek töre

paleograf[d], tarixçı, klassitsist[d], papirolog[d], kitapxanäçe[d], filolog-klassik[d], bibleist[d], tärcemäçe[d]

Fänni sfera

paleografiä[d], papirologiä[d], filologiä, tarix

Eş urını

Magdalina kollecı[d]
Britaniä muzeyı[en]
Britaniä akademiäse[en]

Alma-mater

Magdalina kollecı[d]
Winçester kollecı[en]

Büläklär

Зур тәре алпары кавалеры Munça ordenı alpar-komandorı
Börkitt medale[d]

Ser Frederik Corc Kenyon (ingl. Frederic George Kenyon; 1863 yılnıñ 15 ğinwarı, London — 1952 yılnıñ 23 avgustı, Surrey[d], Oksted[d]) — Britaniä paleografı[d], papirologı[d], tarixçısı, bibleistı[d], filolog-klassigı[d] häm kitapxanäçese[d]; Britaniä muzeyı[en] direktorı, Britaniä akademiäse[en] prezidentı, London patşa borınğılıqlar cämğiäte[en] äğzası.

Biografiäse

[үзгәртү | вики-текстны үзгәрт]

Frederik Corc Kenyon 1863 yılnıñ 15 ğinwarında Londonda ingliz xoquqı[en] professorı Con Robert Kenyon[en] ğailäsendä tuğan, häm, şulay itep, Lloyd Kenyon, 1-nçe baron Kenyonnıñ[en] onığınıñ ulı bulğan.

Winçester kollecında[en] uqığan[4], ä soñraq Oksfordtağı Magdalina kollecında[en] bakalavr däräcäsen alğan, soñraq anda fänni xezmätkär bulğan.

1889 yılda Kenyon Britaniä muzeyınıñ[en] qulyazmalar bülegenä assistent bulıp eşkä kergän häm 1909 yılğa anıñ direktorı häm baş kitapxanäçese bulğan; ul üz urınında 1931 yılğa qädär qalğan.

1891 yılda Kenyon fänni dönyada Aristotelneñ Afina respublikası[en] turındağı «Αθηναίων πολιτεία[en]. Aristotle on the constitution of ’Athens» äsären Londonda bastırıp çığaru belän tanılğan. Äsärneñ tekstı bezneñ erağa qädär I ğasırğa qarağan Misır papiruslarınıñ bersendä bulğan. Angliädä dä, başqa illärdä dä älege ataqlı äsärneñ aldağı barlıq basmaları diärlek Kenyon möxärriätenä nigezlänä. Kenyon şulay uq yambograf Herondnıñ[en] 7 şiğıren, Hiperidnıñ[en] notığı özegen häm Trifonnıñ[en] grammatik traktatınnan özeklärne üz eçenä alğan berniçä başqa papirusnıñ berençe basmasına iä[5].

1894 yılda Britaniä başqalasında ul «Hyperides ag. Athenogenes and Phippieles» digän xezmäten bastırğan, ul tarixçılarnıñ zur iğtibarın cälep itkän.

Üzeneñ qazanışları öçen 1912 yılda Frederik Corc Kenyon alparlıqqa bağışlanğan.

1917 yıldan 1921 yılğa qädär ser Kenyon Britaniä akademiäse[en] prezidentı wazifasın başqarğan.

1920 yılda ul İerusalimdağı Britaniä arxeologiä mäktäbe[en] (xäzer anıñ iseme belän atalğan institut) prezidentı itep bilgelängän. Ser Kenyon aqçasınıñ küp öleşen borınğı papiruslarnı tikşerep häm bastırıp totqan.

Kenyon borınğı tellär belgeçe bulğan häm ğömer buyı Bibliäne öyrängän, bigräk tä Yaña Wasiätne[en] tarixi tekst bularaq. Anıñ 1895 yılda basılğan «Bezneñ Bibliä häm borınğı qulyazmalar» kitabı Misır papiruslarınıñ häm başqa arxeologik tabıldıqlarnıñ İncillärdäge waqiğalar turındağı xikäyäläwne niçek raslıy aluwın kürsätä. Ul Yaña Wasiättä taswirlanğan waqiğalarnıñ tarixi çınbarlığına ışanğan[6].

Ser Frederik Corc Kenyon 1952 yılnıñ 23 avgustında Angliäneñ Surrey graflığında Okstedta wafat bulğan.

Anıñ olı qızı dama Ketlin Meri Kenyon[en] ätisennän borınğılıqqa mäxäbbät miras itep alğan häm Bibliä arxeologiäse[en] buyınça belgeç bulğan[7].

Britaniä akademiäse büläkläreneñ berse Kenyon medale[en] isemen yörtä[8][9].

İskärmälär

[үзгәртү | вики-текстны үзгәрт]
  1. ↑ Frederic George Kenyon.
  2. ↑ Frederic George Kenyon // Brockhaus Enzyklopädie.
  3. ↑ Kenyon, Frederic George // Gemeinsame Normdatei.
  4. ↑ Sabben-Clare, James. Winchester College. Cave, 1981. p. 187
  5. ↑ Кеньон // Брокгауз һәм Ефрон энциклопедик сүзлеге: 86 томда (82 том һәм 4 өстәмә). Санкт-Петербург: 1890—1907.
  6. ↑ Kenyon, Frederic. The Bible & Archaeology. New York: Harper & Row (1940).
  7. ↑ Канцелярия конфискации — Киргизы. — М., 2009. — С. 578. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 13). — ISBN 978-5-85270-344-6.
  8. ↑ Kenyon Medal for Classical Studies and Archaeology. British Academy. 2015-06-13 тикшерелгән.
  9. ↑ Kenyon Medal.

Ädäbiät

[үзгәртү | вики-текстны үзгәрт]

Sıltamalar

[үзгәртү | вики-текстны үзгәрт]
Чыганак — https://tt.wikipedia.org/w/index.php?title=Frederik_Corc_Kenyon&oldid=4422513