Jañ-Baptist Şarl Buve de Lozye

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Jañ-Baptist Şarl Buve de Lozye latin yazuında])
(Jean-Baptiste Charles Bouvet de Lozier битеннән юнәлтелде)
Jañ-Baptist Şarl Buve de Lozye
Tulı iseme Jean-Baptiste Charles Bouvet de Lozier
Tuu datası 17 ğinwar 1705(1705-01-17)
Tuu cire Plödieñ-sür-Rañs, Fransiä
Watandaşlığı Fransiä
Ülem datası 1786 yıl(1786)

Jañ-Baptist Şarl Buve de Lozye (фр. Jean-Baptiste Charles Bouvet de Lozier, 14 ğinwar 1705, Plödiyeñ-sür-Rañs, Bretan, Fransiä — 1786, anda uq) — fransuz diñgez säyäxätçese, tädqiqätçe, Maskaren utrawları göbernatorı.

Tärçemäi xäle[үзгәртү | вики-текстны үзгәртү]

Cide yäştä yätim qalğan. Parijda başlanğıç belem alğaç, Señ-Maloğa navigatsiä belemen üzläşterergä cibärelä. 1731 yılda Fransuz Ost-Hind şirkätenä xezmätkä kerä. 1733 yılda ul eş birüçesen Könyaq Atlantikağa ekspedisiä ütkärü kiräklegenä ısandıruğa ireşä. Ekspedisiä 1738 yılda Loryañnan diñgezgä çığa. 1739 yılnıñ 1 ğinwarında ul anıñ iseme belän atalaçaq keçkenä utrawnı käşef itä. Anıñ aldında könyaq kontinentnıñ tönyaq çığıntısı dip uylap, Buve ani Xodaynı sönnätläw borını dip atıy. Kilep tuqtaw omtılışları barıp çıqmağaç, Buve Käyptawnğa yul ala. 1739 nıñ 24 iyünendä ekpedisiä Loryañğa kire qayta.

Gärçä Buve oyıştırğan ekspedisiä bigük uñışlı bulmasa da, Parijda anı zurlap qarşılıylar. Un yıl ütkäç ul Maskaren utrawları gubernatorı itep bilgelänä. 1763 yılda Fransiägä qayta.

Buve ekspedisiäse Awrupağa fäqät könyaq diñgezlärda oçrıy torğan östälsıman boztawlar (aysberglar), ğädättän tış zur kitlar öyerläre häm awrupalılarğa äle mäğlüm bulmağan piñwinnär turında mağlümatlar alıp kilä.

Galereyä[үзгәртү | вики-текстны үзгәртү]

Monı da qara[үзгәртү | вики-текстны үзгәртү]