Көя тавы

Көя тавы Көя-сан

японча 高野山
Урнашуы	Япония, Вакаяма
Нигез салучы	буддист кәшише Кукай
Дин	буддизм
Нигезләнгән	819
ЮНЕСКО мирасы	2004 елдан

Көя тавы яки Көя-сан (японча 高野山 Ко:я-сан) — буддист сингон мәктәбенә караган күп кенә гыйбадәтханәләр һәм кәшишханәләр урнашкан тау. Осака шәһәреннән көньяккарак Япониянең Вакаяма вилаятендә урнашкан.

Тарих[үзгәртү | вики-текстны үзгәртү]

819 елда буддизм кәшише Кукай 8 тау түбәсе арасындагы үзәндә 800 м биеклегендә беренче гыйбадәтханәгә нигез салган. Хәзер анда якынча 100 кәшишханә урнашкан. Тауда түбәндәге танылган кәшишханәләр урнашкан:

Окуно-ин (奥の院), Кукай төрбәсе
Компон-дайто (根本大塔), пагода
Конгобу-җи (金剛峰寺), сингон мәктәбенең төп гыйбадәтханәсе
Өченче сөгун Токугава Иэмицу төзегән Тогугава нәселенең төрбәсе

Урнашу[үзгәртү | вики-текстны үзгәртү]

Көя тавыннан синтоист изге урыннарына ( Кумано-Хонгу-тайся (яп. 熊野本宮大社)、Кумано-Хаятама-тайся (яп. 熊野速玉大社) һәм Кумано-Нати-тайся (яп. 熊野那智大社) борынгы сукмак бара.

Осака шәһәренең Намба вокзалыннан тауга кадәр (станция Гокуракубаси 極楽橋駅) тимер юл бара. Кабель тимер юлы 5 минут эчендә юлчыларны тау түбәсенә күтәрә.

2004 елда ЮНЕСКО Бөтендөнья Мирас исемлегенә кертелгән.