Кинкаку-җи

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Кинкаку-җи latin yazuında])
(Kinkaku-ci битеннән юнәлтелде)
Кинкаку-җи
Алтын павильон
японча 金閣寺
Урнашуы Япония,

Киото

Идарә иткән нәсел сөгун Асикага Йөсимицу
Дин буддизм
Нигезләнгән 1397
ЮНЕСКО мирасы 1994 елдан

Кинкаку-җи яки Алтын павильон (японча 金閣寺) — Япониянең Киото шәһәре Кито районында урнашкан Рокун-җи яки Болан бакчасы гыйбадәтханә комплексының (鹿苑寺) бер кәшишханәсе.

1397 елда сөгун Асикага Йөсимицу ял урыны буларак төзелгән.

Кәшишханәнең үтә изге әйбере - Авалокитешвара сыны булып тора, кадерле һәйкәлләр арасында да сөгун Асикаги Йөсимицу сурәте, Дайсө фрескалары, кәшишханә бакчасы.

Кинкаку-җи - Китаяма мәдәниятенең һәйкәле дип атала.

1994 елда ЮНЕСКО Бөтендөнья Мирас исемлегенә кертелгән.

Тасвир[үзгәртү | вики-текстны үзгәртү]

Бөтен бина (аскы каттан тыш) саф алтын белән капланган. Бина Будданың истәлекле әйберләре саклагычы булып кулланыла.

Бина тирәсендә XIV гасырда утыртылган бакча бар. Кәшишханә янында Көкоти (Көзге-күл) исемле тирән, үтә күренмәле су белән, зур күл урнашкан.

Көкоти күлендә Ташбака һәм Торна утраулары бар. Утраулар һәм калкып торган ташлар Кикакуҗи гыйбадәтханәсен урап ала.

Тарих[үзгәртү | вики-текстны үзгәртү]

1397 елда Кинкаку-җи сөгун Асикага Йөсимицу ял урыны буларак төзелгән. Баштарак бина - сөгун сарае буларак кулланылган.

Дүртенче сөгун Асикага Йөсимоти әтисеенең вәсыяте үтәп, сарайны кәшишханәгә әйләндергән. Әлеге кәгшишхәдә күп кенә зиннәтле биналар төзелгән:

  • шәмәхә болытлар залы (яп. 紫雲殿, しうんでん сиун-дэн)
  • күк бүлмә (яп. 天上間, てんじょうのま тэндзё-но-ма),
  • Гонбэй манарасы (яп. 拱北楼, きょうほくろう кёхоку-ро),
  • Алтын павильон, һ.б.

1466-1467 һәм 1467-1477 елгы онин сугышында кәшишханәдә күп биналар янып беткән.

1950 елда 21 яшьлек кәшиш-талиб Һаяси Җөкан (яп. 林承賢, はやしじょうかん) үз-үзенә кул салганмакчы, Алтын павильонны яндыра. Кәшиш коткарыла, ләкин бина һәм барлык хәзинәләре янып бетә. Шуны күреп, Һаясинең әнисе үз-үзенә кул сала, ә Һаяси 1956 елда төрмәдә туберкулездан үлә.

Әлеге фаҗигане Юкио Мисимо "Алтын гыйбадәтханә" китабында тасвирлаган, ә Борис Акунин рус теленә тәрҗемә иткән.

1955 елда көлдән яңа Алтын павильон төзелә башлый. Бөтен кәшишханә тик 2003 елда торгызып яңартыла.

Күренешләре[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]

  • Кинкакудзи // Япония от А до Я. Популярная иллюстрированная энциклопедия. (CD-ROM). — М.: Directmedia Publishing, «Япония сегодня», 2008. — ISBN 978-5-94865-190-3.