Kontekst reklama

Бу мәкаләнең кирилл әлифбасындагы игезәге бар.

Файл:Kr-google.jpg

Kontekst reklama ürnäge

Kontekst reklama - (ингл. Contextual advertising, рус. Контекстная реклама) - maqsatlanğan internet-reklamanıñ ber töre. Kontekst reklamalar säxifäneñ eçtälegenä kürä avtomatik sistemalar belän saylanalar. Şulay itep, kontekst reklama maqsatlı bulıp eşli, yäğni qullanuçılarnı cälep itüçe häm qızıqsındıruçı eçtälekkä iä bulğan belderülär genä kürsätelä. Eçtälege buyınça reklama ike törle bula ala: yazmalı-räsemle belderü yäki reklama bannerı.

Kontekst reklama, ğömümän, başqa internet-reklamalarına kürä üzenä maqsatlı ziärätçelärne kübräk cälep itä, şulay itep, kontekst reklamanıñ näticälelege kübräk bulıp çığa. Kontekst reklama şulay uq sayt xucaları öçen tağın ber kerem çığanağınıñ berse. Reklamanı sayttan satu öçen, möğäyen, ike närsä kiräk - faydalı sayt häm belderülär öçen tüliäçäk reklama birüçe. Reklama birüçelärne häm sayt xucaların kontekst reklama tä'min itüçelär (provayderlar) berläşterä.

Kontekst reklama niçek eşli

Kontekst reklama sistemasınıñ kodı säxifägä urnaştırılğaç, sistema säxifäne tarıy häm açqıç süzlärne tabıp, qullanuçı qarıy torğan säxifä belän bäyle belderü çığara. Reklamalar säxifä eçendä kürsätelgän kebek, popup-belderü räweşendä dä çağıldırıla ala. Kontekst reklamanı şulay uq ezlägeçlär üzeneñ ezläw näticäläre säxifäsendä çağıldıra. Här ezlägeçneñ üzenä kürä saylanğan reklama sisteması bar.

Kontekst reklamanıñ tä'min itüçeläre

• Google AdWords (reklama birüçelär öçen) häm Google AdSense (sayt säxibläre öçen) - kontekst reklama ölkäsendäge dönyaküläm liderı.
• Yandeks.Direkt (reklama birüçelär öçen) häm Yandeks Reklama Çeltäre (sayt säxibläre öçen)
• Begun (häm reklama birüçelär, häm sayt säxibläre öçen)
• Yahoo! Publisher Network (häm reklama birüçelär, häm sayt säxibläre öçen)
• Microsoft adCenter (häm reklama birüçelär, häm sayt säxibläre öçen)

Şulay uq qara

• Reklama