Märcani mäçete

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Märcani mäçete latin yazuında])

Бу мәкаләнең кирилл әлифбасындагы игезәге бар.

Märcäni mäçete
Märcäni mäçete

Märcani mäçete (Berençe camiğ mäçete, Yunısovlar mäçete), Qazanda dini Tatar arxitektura istälege, 1766-1770. yıllarda Ekaterina II röxsäte belän şähär keşeläre iğänäsenä Tatar xalqınıñ Urta Ğasırlar tözeleş tradisiälärendä, provinsial barokko stilendä tözelä. Vasiliy Kaftırev proyéktı dip farazlana. İske Tatar bistäsendä, Qaban Küle buyında urnaşqan.

2 qatlı, 2 zallı camiğ mäçet, tübäsendä 3 qatlı manarası bar. Tışqı yağında häm eçtäge interier bizäklärendä Peterburg barocco'sı bizäleşe belän Tatar ğämäli bizäleş sänğäte ürnäkläre quşılğan. 1861. yılda säwdägär İ. Ğ. Yunısov iğänäsenä mäçetneñ tönyağına basqıçlı yanqorma östelä. 1863. yılda anıñ iğänäsenä mirxab zuraytıla, täräzä uyıla. Ozaq yıllar Yunıs mäçete dip yörtelä. 1885. yıllarda säwdägär Z. Ğosmanov iğänäsenä manarası üzgärtep qorıla, 1887.dä säwdägärlärW. Ğizzätullin häm M. Wälişin iğänäsenä manara mäydançığı çeltärle metall qoyma belän äyländerep alına. Sovet çorında üz maqsatında faydalanılanğan mäçet.

Mäçetkä anda 1850. yıldan eşlägän imam-xatib Şihabetdin Märcani iseme birelgän.

Märcani mäçete öcendä Qazan xanlığı çorındağı qaber taşı saqlana.