Эчтәлеккә күчү

Mount & Blade II: Bannerlord

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Mount & Blade II: Bannerlord latin yazuında])
Mount & Blade II: Bannerlord
Uylap tabuçı

TaleWorlds Entertainment[en]

Näşir

TaleWorlds Entertainment

Seriä

Mount & Blade[en]

Anons datası

27 sentäber 2012

Çığarılu dataları

30 mart 2020 (irtä kerü)
25 oktäber 2022 (tulı kerü)

Janr

action/RPG[en]

Texnik mäğlümatlar
Platformalar

Windows, PlayStation 4[en], PlayStation 5[en], Xbox One[en], Xbox Series X/S[en]

Yörtkeç

Engine Power

Uyın rejimnarı

ber qullanuçı rejimı[en], küp qullanuçı rejimı[en]

Tellär

ingliz tele, ğadiläşterelgän qıtay tele[en], törek tele, traditsion qıtay tele, fransuz tele, italyan tele, yapon tele, korey tele, läx tele, Braziliä portugal tele[en], urıs tele häm Latin Amerikası ispan tele[en]

İdärä itü

töymäsar, tıçqan[en], geympad[en]

Mount & Blade II: Bannerlord — TaleWorlds[en] Törkiä studiäse tarafınnan eşlängän Action/RPG[en] janrındağı açıq dönyalı[en] sanaq uyını. Uyın 2012 yılda anonslanğan[1] häm 2020 yılnıñ 30 martında irtä kerügä[en] çığarılğan. Bannerlord Mount & Blade: Warband’qa[en] prikvel bulıp tora häm uylap çığarılğan dönya tarixınıñ beraz irtäräk etabın kürsätä.

2022 yılnıñ 25 oktäberendä Windows, PlayStation 4[en], PlayStation 5[en], Xbox One[en], Xbox Series X/S[en] platformalarında çıqqan.

Uyın protsessı

[үзгәртү | вики-текстны үзгәртү]

Uyın waqiğaları Mount & Blade: Warband’qa[en] qädär 200 yıl aldan bara. Ul Kalradiä imperiäse cimerelü häm aldağı uyınnarda barlıqqa kilgän bäysez patşalıqlar barlıqqa kilü çorında bara. Kalradiä imperiäse häm anıñ cimerelüwe Rim imperiäse cimerelüwe häm irtä Awrupa patşalıqlarınıñ formalaşuwı analogı bulıp tora. Xärbi kiemnär, qorallar häm arxitektura b. e. 600 yıldan alıp 1100 yılğa qädärge çordan ilham ala[2]. Soñğı imperator ülgännän soñ Kalradiä territoriäsendä yallı ğäskärilär oträdları, bandit öyerläre häm küçmä qäbilälär suğışa. Uyınçı teläsä qaysı yaqqa quşılırğa häm imperiäneñ berdäm xakimiät astında yañadan quşıluwına ireşergä yäki, kiresençä, anıñ tämam tarqaluwına ireşergä mömkin[3].

Fraksiälär

[үзгәртү | вики-текстны үзгәртү]

Mount & Blade II: Bannerlord’ta irtä urta ğasırlarnıñ real’ däwlätlärenä häm mädäniätlärenä nigezlängän 8 töp fraksiä, şulay uq küçmä klannar, yallı ğäskärilär, banditlar kebek küp kenä keçe fraksiälär bar. Bu fraksiälärneñ öleşe Mount & Blade: Warband patşalıqlarınıñ elgärläre bulıp tora. Kalradiä däwlätläre arasında — Vlandiä (irtä urta ğasır feodal’ däwlätlärenä, bigräk tä normann däwlätlärenä nigezlängän[4], Svadiä häm Rodoklarnıñ elgäre), Sturgiä (Rustan ilham alğan[5], Vegirlarnıñ elgäre), Battaniä (irtä urta ğasır kelt[en] klannarına häm patşalıqlarına nigezlängän, Mount & Blade: Warband’ta yuq), Kuzait xanlığı (Böyek Dala xalıqlarına nigezlängän, Kergit xanlığınıñ elgäre), Aseraylar (Ğäräp xälifälegenä nigezlängän, Sarranilärneñ elgäre), şulay uq öç öleşkä (Tönyaq, Könbatış häm Könyaq) bülengän Kalradiä imperiäse, ul tarqalu çorındağı Rim imperiäse[en] häm irtä Vizantiä analogı bulıp tora.

Şulay uq uyında vikinglarğa, farsılarğa häm fin-uğır xalıqlarına nigezlängän «keçe klannar» räweşendä ğämälgä aşırılğan uynap bulmıy torğan fraksiälär dä bar.

Buldıru

[үзгәртү | вики-текстны үзгәртү]

2012 yılnıñ sentäberendä TaleWorlds uyınnıñ eşlänüdä buluwın iğlan itkän häm tizer-treyler çığarğan.

Uyınnıñ grafikası anıñ elgäre, Mount & Blade: Warband[en] belän çağıştırğanda, yaxşıraq külägälänü häm modellärneñ yuğarı detalläşüwe xisabına şaqtıy yaxşırtılğan[6]. Personaj animatsiäläre xäräkätne alu texnologiäsen[en] qullanıp buldırılğan[7], yöz animatsiäse şulay uq yañartılğan[8].

Geympley yaxşırtılğan, inventar’ häm interfeys yañartılğan[9]. Qamalış sisteması şulay uq uyınçılarnıñ bäyälämäläre nigezendä kämilläşterelgän häm üz eçenä taktik mömkinleklärne ala[10]. Uyınnıñ ağımdağı torışı häm törle mömkinlekläre 2015 yılda Gamescom[en] kürgäzmäsendä kürsätelgän. 2016 yılnıñ 5 häm 6 martında geympleynıñ berençe 40 minutı kürsätelgän, alarda studiä elek iğlan itelmägän qayber yaña uyın aspektların kürsätkän.

Tağın da soñraq, 17 avgustta, kirmän qamalışı kürsätelgän[11].

E3 2017 uyın kürgäzmäsendä yañadan berniçä geympley roligı kürsätelgän.

2019 yılğa uyınnıñ raslanğan çığarılu datası bulmağan[12].

2020 yılnıñ 20 fevralendä TaleWorlds studiäse uyınnıñ 2020 yılnıñ 31 martında irtä kerüdä çığuwın iğlan itkän[13].

Uyınnıñ tulı relizı 2022 yılnıñ 25 oktäberendä bulğan[14].

Bäyälämälär

[үзгәртү | вики-текстны үзгәртү]

Metacritic[en] saytı buyınça, Mount & Blade II: Bannerlord personal’ sanaqlarda häm PlayStation 5tä «nigezdä uñay bäyälämälär» häm Xbox Series X/S’ta «qatnaş bäyälämälär» alğan[15][16][17].

İskärmälär

[үзгәртү | вики-текстны үзгәртү]
  1. ↑ Tom Senior (2012-09-28). Mount & Blade 2: Bannerlord announced with tiny teaser trailer (en). PC Gamer. 2016-03-08 тикшерелгән.
  2. ↑ Bannerlord Development Blog Episode VII: Return of the Blog. TaleWorlds (2014-08-29). 2014-10-19 тикшерелгән.
  3. ↑ Jenna Pitcher (2013-09-30). TaleWorlds release Mount & Blade 2: Bannerlord screenshots and artwork (en). Polygon. 2016-03-08 тикшерелгән.
  4. ↑ Dev Blog 30/11/17 - TaleWorlds Entertainment.
  5. ↑ Dev Blog 14/12/17 - TaleWorlds Entertainment.
  6. ↑ Mount&Blade II: Bannerlord Developer Blog 1 - Hairy Artists. TaleWorlds (2013-11-22). 2014-10-19 тикшерелгән.
  7. ↑ Mount&Blade II: Bannerlord Developer Blog 5 – Virtual Skeletons. TaleWorlds (2014-03-14). 2014-10-19 тикшерелгән.
  8. ↑ Mount&Blade II: Bannerlord Developer Blog 6 – Astounding Squirms. TaleWorlds (2014-05-07). 2014-10-19 тикшерелгән.
  9. ↑ Mount&Blade II: Bannerlord Developer Blog 3 – Unexpected Parties. TaleWorlds (2013-12-20). 2014-10-19 тикшерелгән.
  10. ↑ Mount&Blade II: Bannerlord Developer Blog 4 – Flexible Entries. TaleWorlds (2014-01-24). 2014-10-19 тикшерелгән.
  11. ↑ TaleWorlds Entertainment (2016-08-17). Mount & Blade II: Bannerlord Gamescom 2016 Siege Defence Gameplay. 2017-05-06 тикшерелгән.
  12. ↑ Mount and Blade 2: release date and everything you need to know. PC Gamer. 2019-05-06 тикшерелгән.
  13. ↑ Steam :: Mount & Blade II: Bannerlord :: Mount & Blade II: Bannerlord Early Access Announcement. steamcommunity.com (2020-02-19). 2020-03-12 тикшерелгән.
  14. ↑ Гафнер, Ярослав (2022-10-25). Mount & Blade 2 покинула ранний доступ.
  15. ↑ Mount & Blade II: Bannerlord for PC Reviews.
  16. ↑ Mount & Blade II: Bannerlord for PlayStation 5 Reviews.
  17. ↑ Mount & Blade II: Bannerlord for Xbox Series X Reviews.
Чыганак — https://tt.wikipedia.org/w/index.php?title=Mount_%26_Blade_II:_Bannerlord&oldid=4414997