Ostankino manarası

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Ostankino manarası latin yazuında])
Навигациягә күчү Эзләүгә күчү

Bu mäqäläneñ kirill älifbasındağı igezäge bar.

Ostankino telemanarası - ul Mäskäwdäge televizion häm radiotapşıru manarası. Anıñ beiklege - 540 m, Torontodağı CN Tower manarasınnan soñ dönyada iñ biek bina, ä Awrasiädä iñ biege.

Файл:Ostankino02.jpg
Ostankino manarası

Manaranıñ baş injenere Nikolay Nikitin, arxitektorları L. Batalov belän D. Burdin. Manara 1963-1967. yıllarda tözelgän, şundí waqıtlarda dönyanıñ iñ biek bínası bulğan. Tözeleştä küp innovasiä qullanılğan, alardan qorıç troslar qısılğan kierelgän timerbeton. Şundí uylap tabu manara qorılışın ğädi häm ışanıçlı yasağan. Başqa progressiv fikerlärdän say fundamentnı atap bula. Manaranıñ totrıqlığın massiv nigeze garantiäli: nigez massası maçta massasınnan qat-qat arttıra. Bu telemanara Böyek Manaralar Bötendönya Föderasiäseneñ (World Federation of Great Towers) äğzası.

Qorılış[үзгәртү | вики-текстны үзгәртү]

  • Bieklek - 540 m.
  • Fundament belän awırlığı - 51 400 t.
  • Fundament tiränlege 4,6 m.
  • Konuslı nigez 10 tayanıçqa terälä. Nigezdäge urtaça diameter 60 meter.
  • Manara käwsäseneñ bocralı kisemnäre 149 arqan belän sığılğan.
  • Bínanıñ ğomumí küläme 70 000 kub meter.
  • Bülmälärneñ faydalı mäydanı - 15 000 q. m
  • Maksimal isäp-xísaplanğan cil tizleklärendäge teoretik taypılu 12meter.
  • Töp küzätü üydançığı 337 meter bieklegendä urnaşqan.
  • Manarada 5 yök häm 4 passajir taşu lift.

Restoran[үзгәртү | вики-текстны үзгәртү]

"Sedmoye nebo" restoranı 328-334 m bieklegendä urnaşqan häm 3 qat ala. Bocrasıman restoran kiñlege 40 minut däwamında ber tulı äyläneş itä. Manaranı tözelep betüennän soñ küzätü mäydançıq häm restoranğa 10 millionnan artıq keşe kilgän.

Yanğın[үзгәртү | вики-текстны үзгәртү]

2000. Yılnıñ 27. Augustında manarada köçle yanğın barlıqqa kilä. Yanğın uçağı 460 m bieklegendä buldı, 3 qat tulısınça yanıp bette. Yanğın näticäsendä yanğın sünderüçelär komandire Vladimir Arsúkov, lifter Svetlana Loseva häm slesar-remontçı Aleksandr Şipilin hälâk buldı. Ynağın waqıtında zur temperaturadan tartuçı troslarnıñ küpçelege özelde, häm belgeçlär fikerlärençä manara tarqalu qurqınıçı aldında tordı. Soñraq troslarnı torğızdılar.

Monı da qara[үзгәртү | вики-текстны үзгәртү]