Qazannıñ yawlap alınuı

Wikipedia — ирекле энциклопедия проектыннан
Моңа күчү: навигация, эзләү
Файл:Qazanqamapalu.GIF
Qazannı qamap alu xarítası

Qazannıñ yawlap alınuı, Qazan xanlığına Urıs däwläte yawlarınıñ soñğı etabı, 1545-1552. yılardağı yawlarnıñ näticäse.

1552. yılnıñ 22. August (Julian 2. Sentäber) - 2. Öktäber (Julian 13. Öktäber) arasında Qazan qamalışta bula. Qamawçı Urıs ğäskäriläre yağında barlığı 150 meñ çaması suğışçan köç: ere cilbiläwçe feodal atlıları (şul isäptän Şahğälineñ Tatar atlıları), Strelets (uqçılar) polkları. Şähärne saqlawçılar yağında Yapança bäk atlıları, Yädegär Möxämmäd xan belän kilgän Nuğay atlıları häm şähär xalqı (barlığı 33 meñ çaması). Mäskäwlelär 22-23 Augustta Qazan díwarlarına yaqın uq kilälär, 29 Augustta şähärne tupqa tota başlílar. Qamalışta qalğannarğa şähär tışınnan yärdäm itep toruçı Yapança atlı ğäskär 30. August belän 6 Sentäber aralarında tar-mar itelä. 2. Öktäberdä Atalıq häm Nuğay qapqaları yanında kirmän díwarları şartlatıla, Urıs suğışçıları şähärgä bärep kerä, Yädigär Möxämmät xan häm Zäynäş morza äsir itelälär. Şähärne saqlawçılardan keçeräk ber törkem Urıs polkları belän qaharmannarça suğışa-suğışa qamalıştan çığıp qotıla. Şähär xalqınıñ küpçelegen Urıs suğışçıları qırıp-üterep beterä, öleşçä äsir itä. Şähär tulısınça talana, yandırıla.