Эчтәлеккә күчү

Riçard Le Galyenn

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Riçard Le Galyenn latin yazuında])
Riçard Le Galyenn
ingl. Richard Le Gallienne
Tuu datası

20 ğinwar 1866

Tuu urını

Böyekbritaniä, Angliä, Liverpul

Ülem datası

15 sentäber 1947 (81 yäş)

Ülem urını

Fransiä, Menton

Watandaşlıq

Бөек Британия байрагы Böyekbritaniä
Франция байрагы Fransiä

Eşçänlek töre

yazuçı, şağir, tärcemäçe[d]

Äsärlär tele

ingliz

Riçard Le Galyenn (ingl. Richard Le Gallienne; 1866 yılnıñ 20 ğinwarı, Böyekbritaniä, Angliä, Liverpul ― 1947 yılnıñ 15 sentäbere, Fransiä, Menton) ― ingliz yazuçısı häm şağire. Amerika aktrisası İva Le Galyenn[en] (1899 ― 1991) anıñ ikençe nikaxınnan qızı bulğan.

Biografiäse

[үзгәртү | вики-текстны үзгәртү]

Riçard Tomas Gallyenn Liverpuldä tuğan[1]. Liverpul kollecında uqığan. Mäktäpne tämamlağaç, familiäsen Le Gallyennğa alıştırğan häm Londondağı buxgalterlıq kontorasında eşli başlağan. Tizdän bu eştän kitkän häm professional’ yazuçı bulırğa qarar qılğan. Le Galyennnıñ «My Ladies’ Sonnets» cıyıntığı 1887 yılda basılıp çıqqan. 1889 yılda şağir qısqa waqıtqa rejissör häm dramaturg Wilson Barretnıñ[en] särqätibe bulğan.

1891 yılda Le Galyenn «The Star» gäcite belän xezmättäşlek itä başlağan. Şulay uq Logroller psevdonimı astında başqa gäcitlär öçen dä yazğan[2]. Şul isäptän «The Yellow Book[en]» jurnalı öçen dä yazğan häm Rifmaçılar klubı[en] äğzası bulğan.

Anıñ berençe xatını Mildred Li häm alarnıñ ikençe qızı Mariä 1894 yılda bala tapqanda ülgännär, Riçard häm alarnıñ qızı Hesper Coysnı qaldırğannar.

1897 yılda ul Daniä jurnalistı Culi Nörregaardqa öylängän. Ul Hespernıñ ügi änise bulğan, ä 1899 yılnıñ 11 ğinwarında alarnıñ qızı İva tuğan.

1903 yılda Nörregaard Riçardtan kitkän. Nörregaard ike qızın da alıp, Parijğa küçep kitkän. Soñraq Nörregaard Hespernı ätise yağınnan äbise häm babası yanına Londonnıñ bay öleşenä yäşärgä cibärgän, ä İva[en] änise belän qalğan[3].

Soñınnan Le Galyenn Quşma Ştatlar rezidentı bulğan. Aña 1906 yılda Peter Nansennıñ[en] «Mäxäbbät turında trilogiä»sen dat telennän tärcemä itüne tağalar[2], läkin küpçelek çığanaqlar häm kitap üze monı Culiğa tağalar. Alar 1911 yılnıñ iyünendä ayırılışqannar. 1911 yılnıñ 27 oktäberendä Le Galyenn İrma Perriğa öylängän[4]. Le Galyenn belän İrma berniqädär waqıt tanış bulğannar häm 1906 yılda uq bergäläp mäqälä bastırğannar[5].

1920-yıllar axırınnan Le Galyenn häm İrma Parijda yäşägännär, anda Riçard daimi gäcit kolonkasın alıp barğan[3].

Le Galyenn 1940-yıllarda Fransiä Rivyerasındağı[en] Mentonda yäşägän[6]. İkençe bötendönya suğışı waqıtında aña Mentondağı üz yortına qaytırğa röxsät itmägännär, häm ul suğış axırına qädär Monakoda yäşägän[6]. Anıñ Mentondağı yortı Almaniä ğäskärläre tarafınnan biläp alınğan bulğan, ä anıñ kitapxanäsen trofey sıyfatında Almaniägä çaq qına cibärmilär. Monakoda Le Galyenn Almaniä ofitserına möräcäğät itkän, ul aña kitapların alırğa Mentonğa qaytırğa röxsät itkän[6]. Suğış waqıtında Le Galyenn cirle Almaniä häm İtaliä xakimiätläre öçen propaganda mäqäläläre yazudan baş tartqan häm keremsez qalğan[6].

1947 yılnıñ 15 sentäberendä wafat bulğan. Mentonda cirlängän.

İskärmälär

[үзгәртү | вики-текстны үзгәртү]
  1. ↑ Le Gallienne, Richard Thomas (1866–1947), poet and essayist. Oxford Dictionary of National Biography (online ed.). Oxford University Press. 2004.
  2. 1 2 1911 Encyclopædia Britannica/Le Gallienne, Richard - Wikisource, the free online library.
  3. 1 2 Arlen J. Hansen (4 March 2014). Expatriate Paris: A cultural and Literary Guide to Paris of the 1920s. Skyhorse Publishing. ISBN 9781611458527. https://books.google.com/books?id=0KkeAwAAQBAJ., entry for 89 Rue de Vaugirard
  4. ↑ RICHARD LE GALLIENNE WEDS P. - oet Married to Mrs. Irma Perry, Divorcee - H - s '/'bird Marriage, - Marriage Announcement - NYTimes.com (1911-10-28). 21 гыйнвар 2017 тикшерелде.
  5. ↑ «"The Laurel of Gossip" by Richard Le Gallienne and Irma Perry, The Smart Set, February 1906».
  6. 1 2 3 4 Ted Jones (15 December 2007). The French Riviera: A Literary Guide for Travellers. Tauris Parke Paperbacks. p. 158. ISBN 978-1-84511-455-8. https://books.google.com/books?id=IeTGSDuFU6YC&pg=PA158.

Ädäbiät

[үзгәртү | вики-текстны үзгәртү]
  • The Quest of the Golden Boy: : The Life and Letters of Richard Le Gallienne (1960) Geoffrey Smerdon and Richard Whittington-Egan
  • Richard Le Gallienne: A Centenary Memoir-Anthology (1966) Clarence Decker
  • «Richard Le Gallienne: A Bibliography of Writings About Him» (1976) Wendell Harris and Rebecca Larsen, English Literature in Transition (1880—1920), vol. 19, no. 2 (1976): 111-32.
  • «Decadence and the Major Poetical Works of Richard Le Gallienne» (1978) Maria F. Gonzalez, Unpublished PhD Thesis, University of Miami
  • «Le Gallienne’s Paraphrase and the limits of translation» (2011) Adam Talib in FitzGerald’s Rubáiyát of Omar Khayyám: Popularity and Neglect, edited by Adrian Poole, Christine van Ruymbeke, William H. Martin and Sandra Mason, London: Anthem Press 2011, pp. 175–92.
  • M.G.H. Pittock, «Richard Thomas Le Gallienne», in Oxford Dictionary of National Biography, (c) Oxford University Press 2004—2014

Sıltamalar

[үзгәртү | вики-текстны үзгәртү]
Чыганак — https://tt.wikipedia.org/w/index.php?title=Riçard_Le_Galyenn&oldid=5518117