Sharq yulduzi (журнал)
| Sharq yulduzi | |
 | |
| Tөр |
әдәби-сәнгать һәм иҗтимагый-сәяси журнал |
|---|---|
| Формат |
А4 |
|
| |
| Гамәлгә куючы | |
| Нәшер итүче | |
| Нигезләнде | |
| Тел | |
| Төп офис |
100066 Ташкент, Бунёдкор проспекты, Адиблар хиёбони |
| Тиражы |
160 000 (1977 ел) |
| ISSN | |
|
| |
| язылу индексы |
911 |
| Веб-сайт: Sharq yulduzi – Jurnali | |
«Sharq yulduzi», Шарқ юлдузи (рус. Звезда Востока, тат. Шәрык йолдызы) ― үзбәк телендә нәшер ителүче әдәби-сәнгать, фәнни, иҗтимагый-сәяси журнал[1]. 1932 елда нигезләнгән, аны бастыру ешлыгы үзгәреп торган: ай саен да, квартал саен бер сан да чыккалаган. Гамәлгә куючысы ― Үзбәкстан Язучылар берлеге. Ташкентта елына 4 тапкыр чыга.
«Sharq yulduzi» шулай ук 1990 елның мартыннан 1992 елның февраленә кадәр Алоуддин Мансурның Коръәннең үзбәк теленә беренче тулы тәрҗемәсен бастыруы, 1992 елда 8/9 чыгарылышында Коръәннең тулы тәрҗемәсе тәкъдим ителүе белән дә билгеле.
Тарих
[үзгәртү | вики-текстны үзгәртү]Башта ул «Ўзбекистон шўро адабиёти» (Үзбәкстан совет әдәбияты, 1932 елның июнь-июле), «Совет адабиёти» (Совет әдәбияты, 1935 елның гыйнвары), «Ўзбекистон адабиёти ва санъати» (Үзбәкстан әдәбияты һәм сәнгате, 1935 елның июле) исемнәре белән нәшер ителә. Басма Икенче бөтендөнья сугышы елларында вакытлыча туктатыла. 1946 елдан ул хәзерге исеме («Шарқ юлдузи») белән басыла башлый[2]
Аның битләрендә Үзбәкстан һәм чит ил язучыларының әдәби әсәрләре басыла. Шулай ук әдәбият һәм сәнгатьнең мөһим юнәлешләренә багышланган әдәби-тәнкыйди, публицистик мәкаләләр басыла.
Совет чорында еш кына үзенең әдәби йөзен үзгәртеп тора, озак вакыт битләрен «социалистик реализм»га бирә.
1940―1950 елларда журнал тарихы традицион рәвештә «җитештерү» һәм «колхоз» темаларына язылган әсәрләр белән баетыла.
Үзбәк язучыларыннан Гафур Голәмнең «Шум бола» (Шаян бала) кыйссасы, Муса Ташмухаммедов – Айбекның «Navoiy» (Нәвои) романы, Абдулла Каһһар, Максуд Шәехзадә, Миртемир Турсунов, Зөлфия һәм башкаларның әсәрләре башлап «Шарқ юлдузи» журналында басылган[2][3][4].
Төрле елларда журналның мөхәррире булып Муса Ташмухаммедов – Айбек, Вохид Зохидов, Уйгун, Әсгать Мохтар, Гулом Хабибуллаев, Мирмухсин Мирсаидов, Уткир Хашимов, Мухтар Оманов эшләгән. Баш мөхәррирләр:
- Улугбек Хамдам (2009—2015)
- Сироҗиддин Рауф (2015—х. в.)
2009 елда ике журнал өчен берләштерелгән яңа редакция — «Звезда Востока» — «Sharq yulduzi» оештырыла. «Sharq yulduzi» рус телендә чыга торган «Звезда Востока» журналы белән икетелле бердәм проектның бер өлеше була.
Бүләкләре
[үзгәртү | вики-текстны үзгәртү]- 1982 ― Халыклар Дуслыгы ордены[5]
Искәрмәләр
[үзгәртү | вики-текстны үзгәртү]- ↑ Biz Haqimizda – Sharq yulduzi
- ↑ 2,0 2,1 "Шарқ юлдузи". Oʻzbekiston milliy ensiklopediyasi. 10. Tashkent: Oʻzbekiston milliy ensiklopediyasi. 2005. https://books.google.com/books?id=Ky8OAQAAMAAJ.
- ↑ Surkov, Aleksey (1962) (in ru). Краткая литературная энциклопедия. Sovetskaya entsiklopediya. pp. 295. https://books.google.com/books?id=QlcPAQAAIAAJ.
- ↑ Qahhor, Abdulla (1989) (in uz). Асарлар: беш жилдлик. Ғафур Ғулом номидаги Адабиёт ва санъат нашриёти. https://books.google.com/books?id=9QtkAAAAMAAJ.
- ↑ Ведомости Верховного Совета СССР. – М.: Издание Верховного Совета СССР, 1982. – № 25 (23 июня). – 405 – 428 с. – [Статьи 464 – 487]..
Сылтамалар
[үзгәртү | вики-текстны үзгәртү]- Шарк Юлдузи. Большая советская энциклопедия(рус.)
- Ziyo istagan qalblar uchun! - Kutubxona - "Sharq yulduzi" jurnali. Архив выпусков
- Шарқ юлдузи. Архив выпусков
- Празднование девяностолетия создания литературно-художественного журнала "Шарк юлдузи" - "Звезда Востока" стало важным событием в культурной жизни столицы. Kultura.uz