Tatarica (журнал)

Tatarica
Tөр	фәнни
Гамәлгә куючы	Казан (Идел буе) федераль университеты
Нигезләнде	2013
Тел	татар, рус, инглиз
Төп офис	Казан, Татарстан ур., 2
Веб-сайт: http://tatarica.kpfu.ru/

Мәскәүдә нәшер ителүче «Российская татарика» журналы белән бутамаска.

Tatarica – халыкара фәнни журнал. Казан (Идел буе) федераль университетының филология һәм мәдәниятара бәйләнешләр институты тарафыннан нәшер ителә.
Баш мөхәррире – Рәдиф Җамалетдинов, филология фәннәре докторы, КФУның филология һәм мәдәниятара бәйләнешләр институты директоры.

Tatarica журналының логотибы

Тарих

2013 елдан Казан (Идел буе) федераль университетының багучылар (попечительләр) шурасы карары нигезендә нәшер ителә башлый. Беренче саны Татарстан президенты Р.Н. Миңнеханов кереш сүзе белән ачыла. Елга 2 саны әзерләнә.

Халыкара мөхәрририят шурасы

• Абдулла Аббас (Кытай)
• Кадрия Бәдретдин (Финляндия)
• Кирхнер Марк (Алмания)
• Мостафа Өнәр (Төркия)
• Айшә-Азадә Рорлих (АКШ)
• Роальд Сәгъдиев (АКШ)
• Рәшит Сюняев (Алмания)
• Шамил Сүнәев (АКШ)
• Тәхсин Җәмил (Румыния)
• Рөстәм Хаҗипов (Франция)
• Гриф Хәйруллин (Казакъстан)
• Юлай Шамил угълы (АКШ)
• Якачы Али (Төркия)
• Генрих Янковский (Польша)

Бүлекләре

Тел	Әдәбият
Тарих һәм җәмгыять	Мәдәният, шәхес һәм мәгариф
PERSONALIA	Бәяләмә һәм күзәтүләр
Төрки дөнья фәнни хроникасы

Һәрбер бүлекнең үз мөхәрририяте бар.

Басманың теле

Татар һәм рус телендә язылган мәкаләләр, инглиз теленә аннотация белән, оригиналда бирелә. Кайбер язмалар инглиз телендә урнаштырыла.

Сылтамалар

• Журнал турында Казан дәүләт университеты сайтында 2015 елның 1 ноябрь көнендә архивланган.
• Рәдиф Җамалетдинов: «Журнал татар теле белемендә брәнд булырга тиеш» 2016 елның 4 март көнендә архивланган.