Varg notıqları
| Varg notıqları norv. Vargsmål | |
 | |
| Janr | |
|---|---|
| Avtor | |
| Original tele | |
| Näşer itü datası | |
| Bitlar |
160 (originalda) |
| Yörtüçe | |
| ISBN | |
Varg notıqları (norv. Vargsmål) — tanılğan Norvegiä black-metal-muzıkantı Varg Vikernesnıñ berençe kitabı. Kitap ingliz[1], urıs, şved, alman, italyan[2], xorvat[3] häm serb[4] tellärenä tärcemä itelgän.
İseme
[үзгәртү | вики-текстны үзгәрт]Kitap borınğı skandinav xikäyätlärenä oxşatıp atalğan (mäsälän, Grimnismål — «Grimnir notıqları»).
Kitapnı yazu häm bastırıp çığaru
[үзгәртү | вики-текстны үзгәрт]Kitap Varg Vikernes tarafınnan 1994 yılnıñ axırında, ul törmädä utırğanda yazılğan häm törle temalarğa mäqälälär cıyıntığı bulıp torğan. Avtor raslawınça, törmä citäkçelege kitap qulyazmasın konfiskatsiälägän, häm berniçä yıl däwamında aña anı tözätergä dä röxsät itmägännär. Axır çiktä Vikernes anı niçek bar şulay bastırıp çığarırğa qarar itkän. «Varg notıqları» maxsus norvegiälelär öçen, MMÇ materiallarınnan saqlanu sıyfatında yazılğan.
Kitapnıñ originalı norveg telendä (bukmolda) yazılğan, 83 mäqälädän tora häm 1997 yılda İtaliädä basılıp çıqqan.
Eçtälege
[үзгәртү | вики-текстны үзгәрт]«Varg notıqları» — üzara az bäylängän mäqälälär cıyıntığı, üzenä kürä Vikernesnıñ berniçä temağa fikerlär cıyıntığı. Ul Skandinaviä mifologiäse, Norvegiä tarixı, zamança Awrupa qullanu cämğiäte problemaları, Awrupağa çit il immigratsiäse häm başqalar turında yaza. Vikernes xristianlıqnı häm xäzerge materializmnı ayawsız tänqitli, ul xäzerge cämğiätneñ barlıq problemaları öçen cawaplılıqnı alarğa yökli. Şulay uq satanizm häm muzıkal’ black-metal säxnäse tänqitlänä, rasizmğa qarşı muzıkal’ turne şeltälänä. Xristianlıqqa da, materializmğa da berdänber alternativa sıyfatında avtor ata-babalarnıñ mäcüsi dinenä kire qaytırğa täqdim itä.
Kitapta Vikernes üzen millätçe dip atıy, läkin üzen uñ dip atawdan baş tarta, kübräk inqilabçı yözenä awışa.
Kitapta antimasonlıq («Rasanıñ iñ qırıy xıyanätçeläre Mason ordennarında. Masonnar soñraq „yasalma yähüdlär“ sıyfatında tuu öçen üz-üzlären üterergä röxsät itä») häm antisemit belderüläre, Holokost masştabların inqär itü bar.
Vikernes borınğı mädäniätlärgä näq menä germannar nigez salğan dip raslıy: iranlılar, tönyaq hindlar, rimlılar häm borınğı yunannar yanäse «Aq ariylılar» bulğan. Ul şulay uq rasa higienasın propagandalıy.
Kitap turında qayber faktlar
[үзгәртү | вики-текстны үзгәрт]- Kitap avtorğa nibarı 21 yäş bulğanda yazılğan.
- Originaldagı qayber mäqälälärneñ isemnäre borınğı norveg telendä.
- «Armiä-färeştä» mäqäläse kitapnıñ çeltär versiäsendä genä bar. Originalnıñ basma küçermäsendä ul yuq.
- Räsäy Federatsiäsendä «Varg notıqları» häm «Varg notıqları II» kitapları räsmi räweştä ekstremistik dip tanılğan (Yujno-Saxalinsk şähär xökemeneñ 2012 yılnıñ 11 oktäberendäge qararı, ekstremistik materiallarnıñ federal’ isemlegeneñ 1642, 1643 nomerlı yazmaları).
İskärmälär
[үзгәртү | вики-текстны үзгәрт]- ↑ Варг Викернес. Комментарии к "Vargsmål" и другим книгам Варга Викернеса. әлеге чыганактан 2012-03-05 архивланды.
- ↑ Архивированная копия. әлеге чыганактан 2009-01-17 архивланды. 2010-02-16 тикшерелгән.
- ↑ Varg Vikernes — Vargsmål — Stormfront.
- ↑ Reči Varga (VARGSMAL) — Varg Vikernes — Stormfront.
Sıltamalar
[үзгәртү | вики-текстны үзгәрт]- Александр Хайне. Нелепое смешение. Рецензия на книгу "Речи Варга" Варга Викернеса // Журнал «Ablaze» (№13, 1996 г.)