Эчтәлеккә күчү

Wilyam Robertson Smit

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Wilyam Robertson Smit latin yazuında])
Wilyam Robertson Smit
ingl. William Robertson Smith
Tuu datası

8 noyäber 1846[1][2]

Tuu urını

Böyekbritaniä, Şotlandiä, Kig[en]

Ülem datası

31 mart 1894 (47 yäş)

Ülem urını

Böyekbritaniä, Angliä, Kembric

İl

Бөек Британия байрагы Böyekbritaniä

Eşçänlek töre

antropolog, lingvist, kitapxanäçe, din tarixçısı, universitet uqıtuçısı, bibleist

Eş urını

Kembric universitetı

Alma-mater

Edinburg universitetı Aberdin universitetı[en]

Büläklär häm premiälär

Edinburg patşa cämğiäte äğzası[d]

Wilyam Robertson Smit (ingl. William Robertson Smith; 1846 yılnıñ 8 noyäbre, Şotlandiä, Kig[en] — 1894 yılnıñ 31 martı, Angliä, Kembric) — Şotlandiä şärıqçısı[en], filologı, bibleistı, İske Wasiätne[en] tikşerüçese. Britannika[en] ensiklopediäse möxärrire häm Biblika[en] ensiklopediäsendä mäqälälär avtorı. Teologiä professorı häm Şotlandiä azat çirkäwe[en] klirigı. Bibliäne traditsion filologik öyränüne antropologiäneñ yaña qazanışları belän berläşterügä zur öleş kertkän.

Biografiäse

[үзгәртү | вики-текстны үзгәртү]

1846 yılnıñ 8 noyäbrendä Kig[en] awılında tuğan.

15 yäşendä Aberdin universitetına[en] uqırğa kergän, annan 1866 yılda klirik bulu maqsatı belän Edinburg universitetınıñ Nyu-kollecına küçkän.

Uquwın tämamlağaç, ul Mäsix kölliäteneñ[en] hebraistika[en] kafedrasına eşkä kilgän.

1875 yılda ul Britannika[en] ensiklopediäse tuğızınçı basmasında dini tematika buyınça şaqtıy küp mäqälälär yazğan. Şul uq waqıtta xökem tikşerüwe arqasında zur tanılu alğan, ul ensiklopediädäge mäqälälärendä yeres’[en] propagandalawda ğayeplängän, çönki Bibliägä çığanaq bularaq tänqit belän qarağan, şuña kürä 1881 yılda Mäsix kölliätendä uqıtuçılıq urının yuğaltqan[3].

Krist-kollecdan kitkännän soñ, Kembric universitetında arabistika dotsentı[en] (ingl. Reader) bulğan, universitet kitapxanäçese, arabistika professorı häm Mäsix kölliätendä fänni xezmätkär wazifasına qädär yul ütkän[4].

1881 yılda «Yähüd çirkäwendäge İske Wasiät» (ingl. The Old Testament in the Jewish Church) traktatı, ä 1882 yılda «İsrail päyğämbärläre» (ingl. The Prophets of Israel) çıqqan.

1887 yılda Robertson Smit ülgän Tomas Beynis[en] urınına Britannika näşire bulğan.

1889 yılda Robertson Smitnıñ «Semitlar dine» (ingl. Religion of the Semites) digän töp xezmäte çıqqan.

1889—1894 yıllarda Robertson-Smit Kembric universitetında ğäräp tele Adams professorı[en] kafedrasın bilägän.

1894 yılnıñ 31 martında tuberkulözdan wafat bulğan.

İskärmälär

[үзгәртү | вики-текстны үзгәртү]
  1. ↑ William Robertson Smith | Religious Critic, Biblical Scholar, Theologian | Britannica.
  2. ↑ William Robertson Smith(норв.) // Store norske leksikon.
  3. ↑ The Heresy Trial 2013 елның 1 июль көнендә архивланган. // The William Robertson Smith Website
  4. ↑ John Sutherland Black, George Chrystal. The Life of William Robertson Smith. — London: Adam & Charles Black, 1912. — chs. xi & xii

Ädäbiät

[үзгәртү | вики-текстны үзгәртү]
  • Fück J. Die arabischen Studien in Europe. — Leipzig, 1955. — S. 198, 210, 281.
Чыганак — https://tt.wikipedia.org/w/index.php?title=Wilyam_Robertson_Smit&oldid=4219989