Xäzärlär

Wikipedia — ирекле энциклопедия проектыннан
Моңа күчү: навигация, эзләү

Xäzärlär — törki telle qäbilälär, VI ğasırdan Tönyaq-Könçığış Qawqazda häm Qaspiy buyı dalalarında küçmä tormış itkännär. Xäzärlär dä Könçığış Yevropağa hunnar urdası belän bergä kilep çıqqannar. Baştaraq alar Tönyaq Dağstannıñ Qaspiy yar buylarında häm Tübän İdelneñ uñyaq dalalarında küçenep yörgännär. Sawirlar belän bergäläp, alar xätta İran belän Vizantiä arasındağı köçle suğışlarda da qatnaşqannar. Ä sawirlar şul uq hunnar berlegendäge törki qäbilälärdän bulğannar, soñraq xäzärlär belän kileşep alar yaña berläşmä tözegännär.

VI yözneñ 60-nçı yıllarında xäzärlär Törki qaxanlığı buysınuında qalğannar. Yöz yıllap waqıt ütkäç, alar annan ayırılıp çıqqannar häm üzläreneñ däwläten—Xäzär qaxanlığın oyıştırğannar. Ğomumän, xäzärlär häm Törki qaxanlığınıñ töp xalqı, fändä qabul itelgänçä, bik borınğı Aşin — «büre» ıruınnan çıqqannar, ä büre böten törki dönyası başlanğıçınıñ simvolı bulıp isäplänä.