Xan Şäyhün şähärenä ximik höcüm

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Xan Şäyhün şähärenä ximik höcüm latin yazuında])
Навигациягә күчү Эзләүгә күчү
Front sızığı häm ximik höcümneñ urını (qızıl bocra)

Xan Şäyhün şähärenä ximik höcüm - 2017 yılnıñ 4 aprelendä Süriäneñ İdlib wiläyäte Xan Şäyhün şähärendä ximik ağulı mätdälär belän küp keşelärne ütereş. Ağulı gaz 89 keşen ütergän, 556 keşe yaralanğan.

AQŞ xärbi-diñgez köçläre (USS Ross) Süriäneñ Äş Şäyrät hawa alanına tomahawk raketaları belän höcüm itä

AQŞ qaraşı buyınça älege ximik höcümne Bäşär Äsäd citäklägän xökümät oyıştırğan, bu qaraşqa tayanıp, 2017 yılnıñ 7 aprelendä BMO röxsäten almıyça, AQŞ xärbi-diñgez köçläre Süriäneñ Äş Şäyrät hawa alanına tomahawk raketaları belän höcüm itte.

Tarix[үзгәртү | вики-текстны үзгәртү]

2011 yıldan Süriädä watandaşlar suğışı bara.

İdlib wiläyäteneñ Sälämätlek saqlaw ministrı Munzer Xälil buyınça 4 apreldä irtänge 6:30 säğättä hawa höcüme bulğan, şul uq waqıtta säyer ise kilep çıqqan häm ağulanu bilgeläre başlanğan.

Xlor belän ağulanudan ayırmalı bularaq älege ximik höcümdä uramda bulğan küp keşelär häläk bulğan häm xlorğa xas yäşel töten kürenmägän.

Ağulanu bilgeläre nerv-paralitik matdälärgä, toksinğa, bälki zarin gazına kürsätä.

Räsäy qaraşı[үзгәртү | вики-текстны үзгәртү]

Räsäy qaraşı buyınça Süriä xärbi oçqıçları terroristlarnıñ zur skladına höcüm itkän, anda ximik qoral citeşterü bulğandır. Läkin moñarçı küzläw mäğlümatı ximik qoral citeşterüne raslamağan.

AQŞ qaraşı[үзгәртү | вики-текстны үзгәртү]

AQŞ qaraşı buyınça Bäşär Äsäd citäklägän xökümät buysınmağan wiläyätkä ximik höcüm itkän, älege qaraş kübesençä videomaterialğa tayana. Läkin 2013 yılda Süriädän barlıq ximik qoral alınğan bulğan, bu fakt BMO wäkilläre raslağan. Älege ximik höcümnän Bäşär Äsädnеñ nindi faydası bula da bilgesez.

AQŞnıñ Süriägä raketalar höcümennän soñ, Räsäy Süriä kügendä oçışlar iminlege turında AQŞ belän kileşüen tuqtata häm mömkin bäreleşlär ixtimallığı arta.

Sıltamalar[үзгәртү | вики-текстны үзгәртү]