Зилә Вәлиева

Зилә Рәхимҗан кызы Вәлиева
Зилә Рәхимҗан кызы Вәлиева
Туган	15 октябрь 1952 (71 яшь); БАССР, Уфа
Милләт	татар
Ватандашлыгы	ССРБ→; РФ
Әлма-матер	Мәскәү дәүләт университеты
Һөнәре	журналист, сәясәтче
Балалар	улы Динислам (Денис)
Бүләк һәм премияләре	Казанның 1000 еллыгы истәлегенә медале
Гыйльми дәрәҗә:	фәлсәфә фәннәре нәмзәте[d]
	Зилә Рәхимҗан кызы Вәлиева Викиҗыентыкта

Википедиядә Вәлиева фамилияле башка кешеләр турында мәкаләләр дә бар.

Зилә Вәлиева — Татарстан сәясәтчесе, мәдәният эшлеклесе.

Биография[үзгәртү | вики-текстны үзгәртү]

Вәлиева Зилә Рәхимҗан кызы 1952 елның 15 октябрендә Уфа шәһәрендә туа.

Мәскәү дәүләт университетының журналистика факультетын тәмамлый (1978 ел). 1970-1980 еллар – Уфа шәһәре «Ленинчы» республика яшьләр газетында мөхбир, әдәбият һәм сәнгать бүлеге мөдире. 1980-1982 еллар – Казан шәһәре «Вечерняя Казань» газеты мөхбире. 1982-1990 еллар – Казан шәһәре "Советская Татария" газетында мөхбир, социаль мәсьәләләр бүлеге мөдире. Казан шәһәре «Известия Татарстана» газетында сәясәт бүлеге редакторы.

1992-1995 еллар – Татарстан Республикасы Югары Советы рәисенең беренче урынбасары.

1995-1999 еллар – Татарстан Республикасы Дәүләт Советы рәисе урынбасары.

1999 елның сентябрь ае – 2001 елның апрель ае – Татарстан Республикасының Матбугат, телерадиотапшырулар һәм массакүләм коммуникация чаралары министры.

2001 елның май ае һәм 2005 елның апрель ае – Татарстан Республикасы Премьер-министры урынбасары.

2005 елның 29 апреленнән Татарстан Республикасы Премьер-министры урынбасары – мәдәният министры.

2012 елның 17 маеннан «Казан кирмәне» музей-тыюлыгы директоры.

2020 елның 16 гыйнварында алтынчы чакырылыш Татарстан Иҗтимагый палатасының (рус. Общественная палата Татарстана) беренче утырышында (Анатолий Фомин урынына) Татарстан Иҗтимагый палатасы рәисе итеп сайлана^[2].

2023 елның 20 гыйнварында җиденче чакырылыш Татарстан Иҗтимагый палатасының беренче утырышында янәдән Татарстан Иҗтимагый палатасы рәисе итеп сайлана.^[3]

Бүләкләре[үзгәртү | вики-текстны үзгәртү]

«Фидакарь хезмәт өчен» медале
2005 ― «Казанның 1000 еллыгы истәлегенә» медале
2008 ― «Дуслык» ордены (РФ)
2009 ― РФ хөкүмәтенең мәдәният өлкәсендәге премиясе
2017 ― «Дуслык» ордены (Татарстан) — «республиканың тарихи-мәдәни һәм рухи мирасын саклауга, үстерүгә, популярлаштыруга керткән өлеше һәм озак еллар башкарган тырыш хезмәте өчен»^[4].
2022 ― «Татарстан Республикасы алдындагы казанышлар өчен» ордены ― «Татарстан Республикасы файдасына күпьеллык нәтиҗәле хезмәте һәм актив җәмәгать эшчәнлеге өчен»^[5]