Рауза Хәйретдинова

Рауза Хәйретдинова
Туган телдә исем	Рауза Котдус кызы
Туган	3 гыйнвар 1928(1928-01-03) (96 яшь) Кызыл Йолдыз районы, Яңа Ырга авылы
Үлгән	15 ноябрь 2018(2018-11-15) (90 яшь) Казан, Татарстан
Милләт	татар
Һөнәре	театр артисты

Рауза Котдус кызы Хәйретдинова – Татар академия театрының мәшһүр артисты. Татарстанның халык, Русиянең атказанган артисткасы.

Биография

Рауза Хәйретдинова (Ганиева) 1928 елның 3 гыйнварында Татарстанның Балык Бистәсе районы Яңа Ырга авылында туган. 1948 елда Г.Камал театры каршындагы студияне тәмамлаганнан соң, ул биредә эшли башлый. Әле сәхнәдә иҗат итә генә башлаган чорда, актриса лирик пландагы яшь кызлар, бигрәк тә музыкаль рольләрне башкарса, соңрак исә үткен, чая характерлы образлар тудыра.

Сәхнәдә дә тормыштагы кебек гаять табигый итеп яши белгән Р. Хәйретдинова тарафыннан берсеннән-берсе үзенчәлекле, кабатланмас образлар иҗат ителә. Алар арасында “Зәңгәр шәл”дә (Кәрим Тинчурин) — Мәйсәрә, “Галиябану”да (Мирхәйдәр Фәйзи) — Галиябану, “Гүзәлем Әсәл”дә (Чыңгыз Айтматов) — Хәдичә, “Таң атканда”да (Ш. Шаһгали) — Гөлбикә, “Татар хатыны ниләр күрми” дә (Галимҗан Ибраһимов) — Гөлбану, “Әниләр һәм бәбиләр”дә (Туфан Миңнуллин) — Вазифа, “Рәхәт яшибез”дә (М.Гыйләҗев) — Волчанская һәм башка күп кенә образлар бар.

1970 елда Р. Хәйретдиновага Татарстанның халык артисткасы, ә 1979 елда Русиянең атказанган артисткасы дигән мактаулы исемнәр бирелә.

1991 елдан актриса Г.Камал исемендәге Татар дәүләт академия театрының “Инсаният” труппасында иҗат итә.

Сылтамалар

• Шәхси сәхифә
• Нурыйлы нурлы Рауза «Сәхнә», 2013, №3 (март). Авторы - Ә. Шакиров