Кырым (газета)

Кырым
Къырым
Tөр	иҗтимагый-сәяси
Гамәлгә куючы	газетаның хезмәт коллективы «Редакция «Крым» ҖЧҖ
Нәшер итүче	И.Гаспралы исемендәге медиа-холдинг
Баш мөхәрир	Бәкир Мамутов, филология фәннәре кандидаты
Нигезләнгән	1989
Тел	кырымтатар теле
Төп офис	Акмәсҗит
Тиражы	3 900
Веб-сайт: www.qirim.info qirimgazet.blogspot.com

«Кырым» («Къырым», «Qirim», рус. Крым, укр. Крим) — Акмәсҗиттә (Кырым) кырымтатар телендә нәшер ителүче гаммәви мәгълүмат чарасы (газета).

Тарих

• Газетаның беренче саны 1989 елның 7 июлендә дөнья күрә. Әүвәл газетаны Кырымның өлкә бюджеты финанслый, 2004 елдан Украина милләтләр һәм диннәр эшләре дәүләт комитеты дотациясендә. 2011 елда финанслау булмау сәбәпле, чыгудан туктап та тора. Хәзерге вакытта Кырымның милләтләр һәм депортацияләнгән ватандашлар эшләре буенча дәүләт комитеты оештырган медиа-холдингка керә.
• «Къырым» – 1944 елгы депортациядән соң Кырымда чыга башлаган иң беренче вакытлы матбугат чарасы. 1990 елдан «Avdet» газетасы да чыга башлый.
• 1992 елда газетаның хезмәт коллективы тарафыннан гамәлгә куелган.
• 10 елдан артык атнага ике тапкыр чыгып килгән. Хәзер атнага 1 чыга.
• Иҗтимагый-сәяси хәлләрне туган телдә шәрехләүгә өстенлек бирүче кырымтатар басмасы.
• Кайбер мәкаләләр русча басыла.
• Газета абүнәчеләргә таратыла, ваклап сатуга чыгарылмый.

Кызыклы факт

2005 елдан башлап, «Къырым» газетасы үз сәхифәләрендә айга 1 тапкыр азсанлы тугандаш халык Кырым караимнарының «Къырым къарайлар» газетасын чыгара. 2014 елның декабрендә әлеге газетаның 130- саны дөнья күргән.

Чыганаклар

1. С. Абдурахманова. Кырымда «Къырым» ничек яши? Идел, 2015, 5- сан.

Сылтамалар

• Крымскотатарская газета «Qırım» может «не дожить» до своего 25-летия(рус.)