Татарстан (журнал)

Татарстан
Татарстан
Tөр	иҗтимагый-сәяси
Формат	А3
Гамәлгә куючы	«Татмедиа» ААҖ
Нәшер итүче	«Татмедиа» ААҖ
Баш мөхәррир	Артём Тюрин
Нигезләнде	1920
Тел	татар теле, рус теле
Төп офис	Казан, Декабристлар ур., 2
Тиражы	6 000
язылу индексы	73377
Веб-сайт: http://www.protatarstan.ru/tat/

Татарстан (журнал) («Татарстан» журналы) — Татарстанда 1920 елның декабреннан нәшер ителүче айлык иҗтимагый-сәяси hәм әдәби-нәфис басма. Татар һәм рус телләрендә басыла.

Журналның 2015 елгы 3 саны

Юнәлеше

Татарстан җөмһүрияте һәм татарстанлылар өчен иң актуаль мәсьәләләр күтәрелә. Һәр санда республика тормышындагы мөһим яңалыклар турында мәгълүмат бирелә. Хакимият һәм бизнес кешеләре белән эксклюзив интервьюлар басыла. Эшлекле даирәләргә һәи иҗтимагый оешмаларга һәртөрле мәсьәләләргә үз карашларын белдерергә, тәҗрибә уртаклашырга мөмкинлек тудырыла. Басманың аудиториясе — актив тормыш позициясе булган, уйларга һәм карар чыгарырга сәләтле, республиканың һәм башкаланың эшлекле һәм сәяси, рәсми тормышында катнашучы шәхесләр.

Татарчасы

2009 елның ноябреннан, рестайлинг сәбәпле туктап торганнан соң, татарча басмасы чыга башлый. Татарча басманың күләме 64 полоса. 2/3 өлешен рус телле басмадан тәрҗемә алып тора. 1/3 өлешендә генә татар публицистларының җөмһүриятнең көн кадагындагы мәсьәләренә, татар теле язмышына, татар мәдәниятына, мәгарифкә кагылышлы хезмәтләре басыла. Алар арасында Вахит Шәрипов, Хәмидә Гарипова, Рәмис Латыйпов, Рузилә Мөхәммәтова, Артем Субботкин язмалары аерым урын били.

2010 елларда булып узган инновацияләр сәбәпле, журнал укучыларын югалтып бетерә һәм төрле җәмәгать урыннарында бушка таратыла башлый.

Тарих

90 елдан артык тарихында басма күп мәртәбәләр исемен алыштыра. Фирканың идеология рупорыннан иҗтимагый-сәяси аналитик басмага әверелә.

• 1920 «РКП (б) Татар өлкә комитеты хәбәрчесе» (Вестник Татарского областного комитета РКП(б)).
• «Коммунистчыл юл» (Коммунистический путь).
• «Ильич юлы» (Путь Ильича).
• «Причал».
• «Фирка активисты юлдашы» (Спутник партийного активиста).
• «Җитәкче».
• «Татарстан большевигы» (Большевик Татарии).
• «Татарстан коммунисты» (Коммунист Татарии).
• 1991 елдан хәзерге исеме белән чыга.
• 2004 ел — Республика дәүләт учреждениесе статусын ала.
• 2009 ел — Татмедиа филиалы дәрәҗәсенә төшерелә, татарча чыгарылыш бетерелә.
• 2012 елда, А. Тюрин җитәкчелегендә «апгрейд» алып, яңача бизәлеп чыга башлый.
• 2013 елның апреленнән электрон версиясе булдырылган.

Мөхәррирләре

...

• 2005 Рифат Фәттахов
• 2009 Диләрә Байчурина
• 2012 Артем Тюрин
• 2017 Татьяна Вафина

Сылтамалар

• «Татарстан» журналы рәсми сайт ачты (рус.)
• «Татарстан» журналы рәсми сайты

Моны да карагыз

• Артём Тюрин журнал турында