Луганск мәчете: юрамалар арасында аерма
к clean up using AWB |
Removing Luhansk_mosque.jpg, it has been deleted from Commons by Explicit because: per c:Commons:Deletion requests/File:Luhansk mosque.jpg. |
||
| Юл номеры - 3: | Юл номеры - 3: | ||
|Татар атамасы = Луганск мәчете |
|Татар атамасы = Луганск мәчете |
||
|Үз атамасы = {{lang-ru|Луганская мечеть}}<br/>{{lang-ua|Луганська мечеть}} |
|Үз атамасы = {{lang-ru|Луганская мечеть}}<br/>{{lang-ua|Луганська мечеть}} |
||
|Рәсем = |
|Рәсем = |
||
|Рәсем язуы = |
|Рәсем язуы = |
||
|Рәсем зурлыгы = |
|Рәсем зурлыгы = |
||
6 мар 2021, 17:29 юрамасы
| Мәчет | |
| Ил | ЛХҖ |
| шәһәр | 91000 Луганск, Павлов ур., 28-Ж |
| Дин | Ислам |
| Кайсы дини агымга карый | сөнни |
| Төзелеш еллары | 2007—2010 еллар |
| Төп даталар: | |
| Халәте | гамәлдә |
| Луганск мәчете Викиҗыентыкта | |
 Тышкы рәсемнәр
| |
|---|---|
|
Мәчет фотосурәтләре. |
Луганск мәчете (рус. Луганская мечеть, укр. Луганська мечеть), Луганск Ислам мәдәни үзәге (рус. Луганский исламский культурный центр) — Луганск өлкәсенең (2014 елдан де-факто Луганск Халык Республикасының) башкаласы Луганск шәһәрендә урнашкан ислам гыйбадәтханәсе, җәмигъ мәчете. Мәчет Луганск өлкәсенең мөселман җәмгыяте (нигездә татарлар) тарафыннан төзелгән. Бинада Луганск мөселманнарының «Сәлам» дини оешмасы, «Әл-Баян» иҗтимагый оешмасы офислары, Луганск төбәге мөселманнарының «Тәүхид» Диния нәзарәте урнашкан.
Тарих
1999 елның 14 апрелендә Луганск мөселманнарының «Сәлам» дини оешмасы теркәлү үтә[1]. Ул вакытта Луганск өлкәсендә 25 мең, Луганскиның үзендә 10 мең мөселман яшәгән[2]. 1999—2007 елларда һәм 2009 елдан «Сәлам» дини оешмасының рәисе булып педагогика фәннәре докторы, университет галиме Сәйфулла Фәйзулла улы Рәшитов, 2007—2009 елларда Арслан Мөхәммәт улы Мирзоев эшли. 2005 елда Луганск шәһәр шурасы карары белән «Сәлам» дини оешмасына Павлов урамында мәчет өчен җир бүлеп бирелгән, ул 2007 елда төзелә башлаган. Мәчет төзелешенең беренче иганәчесе — Кувәйтнең Исламга ярдәм итү фонды. Төзелешне тәмамлауны җирле мөселман җәмгыяте үз өстенә алган, бинаны иганә хисабына торгызганнар. Барлык эшләр дә иганә акчасына башкарылган. Мәчет урнашкан тау битен ныгыту өчен бер миллионнан артык гривна тотылган[3].
Ачылу
Мәчет 2010 елның 29 маенда ачылган. Җәмигъ мәчете ачылышына 1000 гә якын кунак килгән, шул исәптән тантанада Кувәйтнең Украинадагы илчесе в. б., Киев, Луганск өлкәсе, Донецк, Харьков, Феодосия, Симферополь, Сумы имамнары һәм мөселман җәмгыятьләре вәкилләре, Луганск шәһәр хакимияте вәкилләре катнаша[4].
Проект
Кырымда мәчет төзелешендә кулланылган проект буенча төзелгән. Гомуми мәйданы 550 квадрат метр булган 3 катлы бинаның озынлыгы 18 метр, киңлеге 10 метр һәм катларының биеклеге 3 әр метр.
Тасвирлама
Луганск мәчете бер яктан — чокыр, икенче яктан — урман посадкасы белән уратылган, шуңа күрә узып баручыларда ул кара урман эчендә дигән ялгыш тәэсир калдыра.
Манарасының биеклеге 25 метр. Беренче катта спорт залы һәм кухня урнашкан. Икенче катта — китапханә, уку сыйныфы, офислар, тәһарәтханә. Өченче кат 2 өлешкә бүленгән: аскы өлеше ир-атлар өчен, өске өлеше хатын-кызлар өчен намаз уку урыны. Бер үк вакытта мәчеткә 500 дән артык кеше сыярга мөмкин.
Ислам мәдәни үзәгендә рус телендә 500 дән артык исемдә һәм гарәп телендә 200 гә якын исемдә Ислам һәм Көнчыгыш мәдәнияте турында күп санлы әдәбият, компакт-дисклар, аудио- һәм видео-кассеталар тупланган рус һәм гарәп китапханәләре эшли. Үзәктә гарәп телен һәм Ислам дөньясы мәдәниятен өйрәнү буенча якшәмбе мәктәбе эшләп килә, яңа өйләнешүчеләргә никах, мәрхүмнәргә җеназа намазы укыла. Психолог консультациясе алырга мөмкин. Талак рәсмиләштерелә, таныклык бирелә.
Мәчет имамы — Алустаз Мөхәммәд (Фәлистыйннан, 1994 елдан Украинада, табиб, фән кандидаты), имам ярдәмчесе — Илдар Рөстәм улы Мотыйгуллин[5].
Донбасс сугышы вакытында Луганск җәмигъ мәчете тирәләрендә снаряд шартлап, чокырлар ясалып беткән, шартлаткыч дулкын тәэсирендә тәрәзәләре ватылган.
Сылтамалар
- ИКЦ г. Луганск(рус.)
- Луганская соборная мечеть(рус.)
Моны да карагыз
Искәрмәләр
- ↑ Сәлам дини оешмасының төзелү тарихы(рус.)
- ↑ Ислам на луганской земле. lugreligia.livejournal.com, 25.02.2014(рус.)
- ↑ Луганская соборная мечеть. Религиозная организация «Салам»(рус.)
- ↑ Луганск җәмигъ мәчете(рус.)
- ↑ Мечети Луганской области(рус.)