Батырша

Габдулла Гали Улы, Ğabdulla Ğali uğlı
Туган	1710 ел Себер юлының Карыш авылы (Уфа өязе)
Үлгән	24 июнь, 1762 ел Шлиссельбург, Рәсәй империясы
Милләт	татар
Әлма-матер	Ташкичү мәдрәсәсе
Һөнәре	мулла

Батырша (1710 — 24 июнь, 1762) (урыс телле тарихи әдәбиятта — Абдулла Алеев, Батырша Алиев, Абдулла Мязгялдин, Губайдулла Матзялтдин; чын исеме Габдулла Гали улы) — 1755-56 еллардагы мөселман баш күтәрүе җитәкчесе, публицист, мулла.

Биография

Себер юлы, Уфа өязе Карыш авылында мишәр татарлары гаиләсендә туа. Берничә мәдрәсәдә укый. 1744 - 45 елларда Илша авылында мөгаллим була. 1749 елдан Карыш-Баш авылы мулласы. Шәригатьтә тирән белемнәре белән аерылып тора. Еш кына хакимият тарафыннан мирас эшләрен хәл итәр өчен чакырыла. 1754дә Себер юлы ахуны булып сайланыла, ләкин бу вазифаны алмый. 1754 - 55 елларда Усак, Себер юлларының байтак кына волостларында була.

1755 елның язында мөселманнарны баш күтәрүгә өнди.

Баш күтәрүләр Урыс империясе тарафыннан басыла һәм 1758 елда Батырша каторгага җибәрелә.

1762 елда аннан качкан вакытта 4 сакчыны үтерә һәм үзе дә үлә.

Сылтамалар

• Тәхризнамә (Батыршаның халыкка өндәмәсе)