Мөсәгыйть Хәбибуллин

Мөсәгыйть Хәбибуллин
Туган телдә исем	Мөсәгыйть Мөдәррис улы Хәбибуллин
Туган	25 декабрь 1927(1927-12-25) (96 яшь) Габдрахман, Оренбург өлкәсе
Үлгән	4 гыйнвар 2019(2019-01-04) (91 яшь) Казан, Россия
Яшәгән урын	Николай Ершов урамы
Милләт	татар
Ватандашлыгы	СССР  Россия
Һөнәре	язучы
Бүләк һәм премияләре	Кол Гали исемендәге халыкара премия

Мөсәгыйть Мөдәррис улы Хәбибуллин – күренекле татар язучысы.

Биография

Мөсәгыйть Хәбибуллин 1927 елның 25 декабрендә Оренбург өлкәсенең Абдуллин районы Габдрахман авылында крестьян гаиләсендә туа. Башлангыч белемне үз авылларындагы мәктәптә ала, аннары Татарстанның Баулы районы Шалты җидееллык мәктәбендә укый. Бөек Ватан сугышы елларында, уку белән бергә, колхоз эшендә актив катнаша. 1944 елда М.Хәбибуллин Чиләбе өлкәсенә китә, һөнәр мәктәбен тәмамлап, 1946–1953 еллар арасында Магнитогорск металлургия комбинатында токарь, Башкортстанның Октябрьский шәһәрендәге бораулау конторасында мастер булып эшли. 1953 елда туган авылына кайта. 1958–1966 елларда Баулы эшчеләр поселыгында эшли һәм яши. 1961–1962 елларда Баулы, 1966–1968 елларда Азнакай район газетасы редакцияләрендә эшли. 1969–1971 елларда Таҗикстандагы Рудәкый исемендәге урта мәктәптә тарих һәм җәмгыять белеме фәннәре укыта. 1971 елда, читтән торып укып, Казан дәүләт университетының татар теле һәм әдәбияты бүлеген тәмамлый. 1971елның июненнән бирле М.Хәбибуллин Казанда яши.

Ижаты

Китаплары:

• Кубрат хан. Казан, 1985
• Илчегә үлем юк Казан, 1990

Бүләкләр

1996 елда татар халкының күпгасырлык тарихи-мәдәни мирасын тергезү өлкәсендә ирешкән уңышлары өчен М.Хәбибуллинга Кол Гали исемендәге халыкара премия бирелде.