Тум өлкәсе

Томск өлкәсе (рус. Томская область) — Русия Федерациясенең субъекты. Көнбатыш Себер районында урнашкан, Себер федераль округына керә. Үзәге — Томск шәһәре.

1944 елның 13 августта нигезләнгән. Томск өлкәсенең губернаторы — Виктор Кресс. Өлкә думасы 42 депутаттан тора, думаның рәисе — Борис Мальцев.

География

Мәйданы 314,4 мең км².

Халык

Халык исәбе 1044 мең кеше (2010), аларның 69 % шәһәрләрдә торалар. Руслар — 90,8 %, татарлар — 1,9 %, украиннар — 1,6 %, алманнар — 1,3 % һ.б.

Татар халкы өлкәнең борынгы халыклардан берсе. Татарлар Томск каласының нигезләнүдә (1604) катнаштылар. Хәзерге вакытта Томскта, Стрежевойда һәм Зырянка, Колпашево, Кривошеино, Томск районнарында торалар. Өч татар авылы, 1 мәчет (Томскта) бар. Томскта «Туганлык» татар мәдәни-мәгърифат үзәге (1999 елдан), Татар мәдәнияте өлкә үзәге (1994 елдан) эшлиләр.

Идарә-җир төзелеше

Томск өлкәсе 4 шәһәр округына, 16 җирле үзидарә районына, 3 шәһәр һәм 118 авыл җирлегенә, 576 авыл торак пунктына бүленә.

Томск өлкәсенең шәһәрләре:

• Томск
• Кедровый
• Северск
• Стрежевой

Томск өлкәсенең районнары:

• Александровское районы
• Асино районы
• Бакчар районы
• Зырянка районы
• Каргасок районы
• Кожевниково районы
• Колпашево районы
• Кривошеино районы
• Молчаново районы
• Парабель районы
• Первомайское районы
• Тегульдет районы
• Томск районы
• Чая районы
• Шегарка районы
• Югары Кеть районы

Икътисад

Нефть чыгару, машина төзелеше, металл эшкәртү, химия, азык-төлек сәнәгате тармаклары бар.