Килем

Килем
Ил	РусияРусия
Район	Бүздәк районы
Координатлар	54°46'6"тн, 54°37'5"кнч
Рәсми тел	татар теле
Халык саны	830 кеше
Милли состав	татарлар
Дини состав	мөселман-сөнниләр
Почта индексы	452725

Килем — Башкортстанның Бүздәк районындагы татар авылы, авыл җирлеге үзәге. 2009 елның 1 гыйнварына халык саны 830 кеше тәшкил иткән ,

Истәлекле урыннар

Авылның төп истәлекле урыны – Тәфкилев морзалар утары. Утарга 1821 елда төзелгән таш мәчет, 1853 елда төзелгән Тәфкилевлар сарае һәм парк керә. Якында 17 гасыр мөселман зираты урнашкан.
/> Русия Федерация президентының 1995 елның 20 февральдәге 176нчы карары нигезендә 1821 елда төзелгән бина федераль әһәмияттәге тарихи һәм мәдәни мирас исемлегенә кертелгән.
Реставрацияләнгән Сарайда бүген “Килем” Татар тарихи-мәдәни үзәге урнашкан.

• 
  Тәфкилев морзалар утары
• 
  Дәүләт тарафыннан саклануы турында билге

Демография

1917 елда Килемдә (“Иске Килемдә”) 1456 кеше яши. Милләте буенча: 1441 татар, 9 типтәр, 6 башкорт.

Гомуми демографик күрсәткечләр
Халык		2002—2009 еллар арасында үзгәрешләр
2002	2009	кеше	%
823	830	+7	+0,85

2002 елда 67% халык татарлар итеп яздырылган, «башкорт» – 32%.

Социаль тармак

Авылда урта мәктәп эшли. Элек Тәфкилев сараенда урнашкан булса, әле яңа бинада эш итә.

Авылның атаклы кешеләре

• Котлымөхәммәт Мәмәш улы Тәфкилев (1674-1766) – Рәсәй дәүләте эшлеклесе, дипломат, эре алпавыт
• Сәлимгәрәй Тәфкилев (1805-1885) – Оренбург диния назәрәтенең 4нче мөфтие
• Котлымөхәммәт Батыргәрәй Тәфкилев (1850-1917) – Патша Дәүләт Думасының дүрт чакырышы депутаты
• Сәлимгәрәй Җантурин – Тәфкилевләрнең кардәше, 1нче Дәүләт Думасының депутаты
• Филүс Каһиров - җырчы

Җитештерү тармагы

Килемнең күмәк хуҗалыгы таркалган, авыл җирләрен 9 фермер хуҗалык эшкәртә.

Географик урынлашу

• район үзәгенә кадәр (Бүздәк): 26 км
• тимер юл станциясенә (Бүздәк): 25 км

Чыганаклар

• Сельское поселение Килимовский сельсовет

Сылтамалар

• Совет муниципальных образований Республики Башкортостан (рус.)