Җәйге Олимпия уеннары 2012

XXX Олимпиада уеннары
Оештыручы-шәһәр	Лондон, Бөек Британия
Шигарь	(ингл. Live as one)
Милли олимпия комитетлар
Атлетлар
Спорт төрләре	26 (300 ярыш)
Ачу тантанасы	27 нче июль 2012 нче ел
Ябу тантанасы	12 нче август 2012 нче ел
Уеннарны ачучы
Олимпия анты
Олимпия уты

Җәйге Олимпия уеннары 2012 (ингл. 2012 Summer Olympics, фр. Jeux Olympiques d'été de 2012) — утызынчы җәйге Олимпия уеннары. Алар Бөекбритания башкаласы Лондон шәһәрендә 27 июльдән башлап 12 августка кадәр үтә. Лондон Олимпия уеннарын өченче тапкыр каршы алган беренче шәһәр (моңа кадәр биредә уеннар 1908 һәм 1948 елларда үткән).

Лондондагы Олимпия уеннарында ураза тоту өчен шартлар тудырылачак дип хәбәр ителде. Шулай ук әлеге Олимпия уеннарында беренче тапкыр Согуд Гарәбстанынан хатын-кыз спортчылары катнашачак.

Шәһәрне сайлау

Олимпия уеннарын үткәрүгә намзәт шәһәрләрдән гаризалар алу 2003 елның 15 июлендә тәмамлана. Үзендә уеннарны үткәрү теләген 9 шәһәр белдерә: Гавана, Истанбул, Лейпциг, Лондон, Мадрид, Мәскәү, Нью-Йорк, Париж һәм Рио-де-Жанейро.

2004 елның 18 маенда бирелгән гаризаларны бәяләүдән соң Халыкара Олимпия комитеты 5 шәһәрне сайлап ала: Мадрид, Мәскәү, Нью-Йорк, Париж, Лондон. Шушы шәһәрләр арасында 2005 елның июлендә Халыкара Олимпия комитеты 117 нче утырышта лаеклысын сайлап алырга тиеш була.

Лондон намзәте 2005 елның 6 июлендә сайлана. Аны дәүләтнең премьер-министры үзе Тони Блэр тәкъдим итә. Соңгы раундта Лондон өчен 54 тавыш бирелә (көндәше булган Париж өчен 50 тавыш бирелә).

Олимпия уеннарының Лондонда үткәреләчәге билгеле булганнан соң, киләсе көнне шәһәрдә террористик акт уза. Лондон метрополитенының өч поездын шартлау нәтиҗәсендә 52 кеше һәлак була.

Сылтамалар

	Викиҗыентыктагы медиафайллар?

• Уеннарның рәсми сайты (ингл.)
• Халыкара Олимпия комитеты сайтында (ингл.) (фр.)
• Лондон уеннары: тарихтан – бүгенгә
• Рафис Борһанов: “Мин Татарстан байрагын күтәрергә әзер”
• Лондон уеннарына соңгы әзерлекләр (фотосурәтләр)