Kärim Ämiri
Бу мәкаләнең кирилл әлифбасындагы игезәге бар.
Kärim Ämiri Xösäyen ulı 1893. yılnıñ 30 sentäberdä Başqortstannıñ xäzerge Täteşle cirendä Bül-Qaylan digän Tatar awılında tuğan.
Mädräsä belemen alğannan soñ, ul Ufa wä Penza gouvernlarındağı Tatar awıllarında balalar uqıta. 1918. yılda, Qazanğa kilep, köndälek matbuğat redaksílarında eşli, 1929.-1932. yıllarda Uralda häm Seberdä matbuğatçı eşen däwam itterä.
Ädäbi dairädä K.Ämirineñ iseme 1913. yılda işetelä başlí. Ícatınıñ ayıruça uñışlı çorı grajdannar suğışı häm NEP yıllarına turı kilä. Bu yıllarda ul ber-ber artlı şiğer häm poema cíıntıqların bastıra, säxnälärdä anıñ «Yosıf wä Zöläyxa», «Qazan qızı», «Paytäxet cälladları», «Peçän bazarı» kebek piesläre quyıla; balalar öçen «Ural balası» äsäre, «Zavod mäktäbendä», «Yuğalğan malay» isemle ozın xikäyäläre ayırım kitaplar bulıp çığa. Ğömümän, suğışqa qädär ädipneñ tezmä, çäçmä säxnä äsärläre tuplanğan ike unğa yaqın kitabı basıla. Suğıştan soñ isä «Pieslär» (1958) häm «Tañ waqıtı» (1969) isemle cíıntıqları dönya kürä.
1962. yılnıñ 28 ğinwarında Kärim Ämiri Qazanda wafat bula.
 |
Bu bit mäqälä töpçege genä. Sez anı tulılandırıp, Wikipediägä yärdäm itä alasız. |