Фәридә Мөэминова

Фәридә Мөэминова Фарида Муминова
Туган телдә исем	Фәридә Шамил кызы Мөэминова
Туган	23 ноябрь 1957(1957-11-23) (66 яшь) Лесной, Кай районы, Киров өлкәсе, РСФСР, ССРБ
Үлгән	31 гыйнвар 2024(2024-01-31) (66 яшь) Магнитогорск, Чиләбе өлкәсе, Россия
Милләт	татар (?)
Ватандашлыгы	ССРБ ССРБ→ РФ
Әлма-матер	С. А. Герасимов исемендәге Бөтенрусия дәүләт кинематография институты[d]
Һөнәре	театр һәм кино артисты
Эш бирүче	Прогресс Сцена Армена Джигарханяна[d]
Балалар	улы
Ата-ана	Шамил (әти) Муза (әни)
Бүләк һәм премияләре

Фәридә Мөэминова (Фәридә Шамил кызы Мөэминова, рус. Фарида Шамильевна Муминова) – танылган артист, кино һәм театр актрисасы, РФ атказанган артисты (2002), «Театр язы» фестиваленең призлар иясе (1993, 1999).

Тәрҗемәи хәле

1957 елның 23 ноябренда Киров өлкәсенең Кай районы (1963 елдан Омутнинск районы, 1965 елдан Югары Чулман районы) Лесной бистәсендә туган.

1976 елда Ташкәнт хореография укуханәсенең классик бию бүлеген, 1985 елда ВГИКның актёрлык бүлеген (Борис Чирков остаханәсе) тәмамлый.

1976-1979 елларда Ташкәнттә үзбәк дәүләт «Бахор» ансамблендә бии.

1986 елда Дүшәнбедә В. Маяковский исемендәге рус драма театрында, «Ярымутрау» (рус. Полуостров) театр-студиясендә эшли.

1991-2000 елларда Магнитогорскида А.С. Пушкин исемендәге театрда, әйдәүче актриса.

Хәзер Мәскәүдә, Армен Джигарханян театр-студиясендә

Иҗаты

Кинода

Кинодагы беренче роле - Гөлбахор («Җиденче җен», 1974).

Төрле киностудияләрдә танылган кинорежиссёрлар И. Ишмөхәммәтов, А. Хамраев, И. Миколайчук, Бен Барк һ.б. төшергән уннан артык нәфис фильмда төп рольләрне башкара:

• Принцесса («Язмыш барабаннары» (рус. Барабаны судьбы),
• Мәрьям («Фатир» (рус. Квартира),
• Лола («Шок», 4 серияле телеверсиясе - «Яратып һәм сызланып» (рус. С любовью и болью) һ.б.

В. Әхәдовның «Королеваның шәхси тормышы» нәфис фильмында уйнады.

Театрда

Театрда беренче уйнаган роле – Маргарита («Остаз һәм Маргарита» (рус. Мастер и Маргарита), Дүшәнбе театры)

Репертуар

• Джил Теннер – «Бу ирекле күбәләкләр» (рус. Эти свободные бабочки);
• Наталья – «Кәләшләр» (рус. Невесты);
• Нина Заречная – «Акчарлак» (рус. Чайка);
• Кручинина – «Гаепсездән гаеплеләр» (рус. Без вины виноватые);
• Джулия – «Алма ханым» (рус. Яблочная леди);
• Раневская – «Чия бакчасы» (рус. Вишнёвый сад);
• Марта – «Кем Вирджиния Вульфтан курка» (рус. Кто боится Вирджинии Вульф);
• Марга – «Кыргый» (рус. Дикарь), Касон;
• Аркадина – «Акчарлак» (рус. Чайка);
• Джейн – «Француз кварталы» (рус. Французский квартал), Т. Уильямс;
• Фея – «Көлгенә» (рус. Золушка), Е. Шварц;
• Титания - «Җәйге төндә йокы» (рус. Сон в летнюю ночь), У. Шекспир;
• Джессика – «Күрше бүлмәгә ишек» (рус. Дверь в смежную комнату), Д. Эйкбурн;
• Грациелла – «Толларны юатучы» (рус. Утешитель вдов), Д. Маротт, Б. Рандони;
• Мелисса – «Мәхәббәт хатлары» (рус. Любовные письма ), А. Гурней;
• Агата – «Кәҗә утравы», (рус. Козий остров), Уго Бетти

Бүләкләре

1993 елда «Театр язы» (рус. Театральная весна) фестивалендә (Чиләбе, 1993) иң яхшы хатын-кыз ролендә (Наталья, «Кәләшләр» спектаклендә) уйнаган өчен приз белән бүләкләнде.

1999 елда «Театр язы» (рус. Театральная весна) фестивалендә иң яхшы хатын-кыз ролендә (Марта, «Кем Вирджиния Вульфтан курка» спектаклендә) уйнаган өчен приз алды. Шул ук роль өчен «Алтын маска» милли театр премиясенә (2000) тәкъдим ителде.

2002 елда РФ атказанган артисты исеме бирелде.

Чыганак

• Магнитогорски театры сайты(үле сылтама)
• А. Джигарханян театры сайты 2015 елның 10 февраль көнендә архивланган.

Сылтама

• Биографиясе

Моны да карагыз

• Интервью. «Магнитский металл» газетасы сайты