Владимир Петров (1953)
Петров Владимир Васильевич — хәрби хезмәткәр, полковник.
Кыскача биографиясе[үзгәртү | вики-текстны үзгәртү]
1953 елның 12 мартында Чепья авылында илебезгә бик күп хәрбиләр биргән Василий һәм Ольга Петровлар гаиләсендә туган. 1970 елда Чепья урта мәктәбен тәмамлый һәм Ярославль шәһәрендәге Югары хәрби-финанс училищесына укырга керә. 1976 елда училищены тәмамлап Германия Демократик Республикасындагы совет гаскәрләре группасы составында разведка батальонының финанс подразделениесенә җитәкчелек итә башлый.
Хәрби өлкәдә хезмәте[үзгәртү | вики-текстны үзгәртү]
1981-1987 елларда Урта Азия хәрби округында полк финанс хезмәтен җитәкли. 1987-1990 елларда шунда ук ремонт-төзәтү базасы идарәсендә финанс хезмәте җитәкчесе. В.Петров 1990-1992 елларда Алматадагы 40-армия штабының финанс бүлеге командиры була, ә 1992 елдан, Казахстан Республикасы бәйсез дәүләт статусы алгач, Казахстан Республикасы Кораллы көчләре Генераль штабының финанс бүлеге начальнигы итеп билгеләнә. 1996 елдан— Казахстан Республикасы Оборона министрлыгының финанс хезмәте командиры.
Дәүләт бүләкләре[үзгәртү | вики-текстны үзгәртү]
В.В.Петров күп медальләр, шул исәптән «СССР Кораллы көчләрендә бик яхшы хезмәт иткән өчен» медаленең тулы өч дәрәҗәсе кавалеры.
Чыганаклар:[үзгәртү | вики-текстны үзгәртү]
Балтач энциклопедиясе, I том, 2006
Балтач энциклопедиясе, II том, 2010