Википедия:Şäp mäqälä/Text

Karl Raimund Popper äfände (Карл Раймунд Поппер әфәнде, 28. Yül, 1902 – 17. Sentäber, 1994) – mäşhür Austriä häm Böyek Britaniä fälsäfäçese, London School of Economics’nıñ professorı. XX yözneñ iñ möhim fän fälsäfäçese bulıp sanala. Şulay uq küpsanlı cämğiäwi ham säyäsi fälsäfä äsärläre avtorı. Popper küplär öçen klassik fälsäfägä qarağan induktiv fänni metodnı tänqitläwçe häm falsifikatsiä metodın alğa sörüçe ğälim bularaq bilgele.

Tormış yulı

Karl Popper 1902 yılda Vienna şähärendä dönyağa kilä. Ata-anası – katolik dinenä küçkän yähüdilär bula. Popper Vienna universitetında belem ala. Popper 1928 yılda fälsäfä fäne buyınça PhD däräcäsenä layıq bula.

1934nçe yılda berençe kitabı – ‘’Logik der Forschung’’ (Fänni açış mantıyğı) – psixologizm, naturalizm, induktsionizm häm mantıyqi positivizmnı tänqitli häm falsifikatsiä printsibin fänne fän bulmağan töşençädän ayıruçı bularaq iğlan itä.

1937. yılda natsizm qurqınıçı astında Yaña Zellandiägä küçä. Şunnan soñ Popper berniçä ilne alıştırıp, soñğı könnaren Böyek Britaniädä ütkärä. 1965. yılda anı Elizabeth II patşabikäse Sir isemenä layıq dip taba.